ଭୁବନେଶ୍ବର: ଆଜି ବିଜେଡିର ସପ୍ତମ ତାଲିକା ଘୋଷିତ ହୋଇଛି। ବିଜେଡି ସଭାପତି ନବୀନ ପଟ୍ଟନାୟକ ଆଉ ୬ ବିଧାନସଭା ପାଇଁ ପ୍ରାର୍ଥୀ ଘୋଷଣା କରିଛନ୍ତି। ଏଥର ହିନ୍ଦୋଳରୁ ମହେଶ ସାହୁ, ରଘୁନାଥପାଲୀରୁ ଅର୍ଚ୍ଚନା ବେହେରା, ବାଲିକୁଦା ଏରସମାରୁ ସାରଦା ଜେନା, କାକଟପୁରରୁ ତୁଷାରକାନ୍ତି ବେହେରା, ବାଙ୍ଗିରିପୋଷିରୁ ରଂଜିତା ମାର୍ଣ୍ଡି ଓ ବରୀରୁ ବିଶ୍ବରଂଜନ ମଲ୍ଲିକଙ୍କୁ ପ୍ରାର୍ଥୀ କରିଛି ବିଜେଡି।
ସୂଚନାଯୋଗ୍ୟ, ସପ୍ତମ ପର୍ଯ୍ୟାୟରେ ବିଜୁ ଜନତା ଦଳ ୬ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି। ଏହି ୬ ପ୍ରାର୍ଥୀଙ୍କୁ ମିଶାଇ ବିଜେଡ଼ିର ମୋଟ ଘୋଷିତ ପ୍ରାର୍ଥୀଙ୍କ ସଂଖ୍ୟା ୧୪୧ରେ ପହଂଚିଛି । ଯେଉଁମାନଙ୍କ ମଧ୍ୟରେ ଅଛନ୍ତି ୩୪ ଜଣ ମହିଳା ପ୍ରାର୍ଥୀ । ସୋମବାର ଦିନ ଘୋଷିତ ପ୍ରାର୍ଥୀଙ୍କ ମଧ୍ୟରେ ଅଛନ୍ତି ଦୁଇ ଜଣ ମହିଳା ପ୍ରାର୍ଥୀ । ସେମାନେ ହେଲେ ଅର୍ଚ୍ଚନାରେଖା ବେହେରା ଓ ରଞ୍ଜିତା ମାରାଣ୍ଡି । ଅର୍ଚ୍ଚନା ଦଳ ଟିକେଟରେ ରଘୁନାଥପଲ୍ଲୀରୁ ନିର୍ବାଚନ ଲଢିବେ । ଏହା ତାଙ୍କର ପ୍ରଥମ ନିର୍ବାଚନ ହେବାକୁ ଯାଉଛି । ସେହିଭଳି ରଞ୍ଜିତା ମାରାଣ୍ଡି ମଧ୍ୟ ପ୍ରଥମ ଥର ପାଇଁ ବାଙ୍ଗିରୀପୋଷିରୁ ନିର୍ବାଚନ ଲଢିବେ ।