ପ୍ରମୁଖ ଖବର

ସବସିଡି ଦରରେ ଚାଉଳ ଗହମ ଚିନି ପାଇବେ ମଧ୍ୟବିତ୍ତ: ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର
କୁନିକୁନି ପିଲାଙ୍କୁ ଖଡ଼ି ଛୁଆଁଇ ବ୍ରହ୍ମାବିଷ୍ଣୁ ଲେଖାଇଲେ ମୁଖ୍ୟମନ୍ତ୍ରୀ
ପୁଣି ଏକ ଟ୍ରେନ୍ ଦୁର୍ଘଟଣା: ନାନ୍ଦେଡ-ସମ୍ବଲପୁର ଏକ୍ସପ୍ରେସ୍ ଲାଇନଚ୍ୟୁତ

ଆର୍ଥ ଅବଜରଭେସନ ସାଟେଲାଇଟର ସଫଳ ଉତକ୍ଷେପଣ

0

ଆନ୍ଧ୍ରପ୍ରଦେଶ: ଆଜି ଆଉ ଏକ ମାଇଲଖୁଣ୍ଟ ଅତିକ୍ରମ କରିବ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ।। ଉତକ୍ଷେପଣ ହେଲା SSLV-D3 ରକେଟ୍ । ଆଜି ଦେଶର ସବୁଠୁ ଛୋଟ ରକେଟ ‘ସ୍ମଲ ସାଟେଲାଇଟ ଲଞ୍ଚ ଭେହିକିଲ’ରେ (SSLV-D3 ) ଆର୍ଥ ଅବଜରଭେସନ ସାଟେଲାଇଟ (EOS-08) ଲଞ୍ଚ କରିଛି ଭାରତୀୟ ମହାକାଶ ଗବେଷଣା ସଂସ୍ଥା (ISRO) । ସକାଳ ୯ଟା ୧୭ ମିନିଟର ଶ୍ରୀହରିକୋଟାର (ଆନ୍ଧ୍ରପ୍ରଦେଶ) ସତୀଶ ଧୱନ ସ୍ପେସ ସେଣ୍ଟରରୁ ଏହାର ସଫଳ ଉତକ୍ଷେପଣ ହୋଇଛି ।

ଆର୍ଥ ଅବଜରଭେସନ ସାଟେଲାଇଟ ( EOS-08) ଏକ କ୍ଷୁଦ୍ର ସାଟେଲାଇଟ୍ । ଏହାର ଓଜନ ୧୭୫.୫ କିଲୋଗ୍ରାମ ଓ ଏହାକୁ ଭୂପୃଷ୍ଠରୁ ୪୭୫ କିଲୋମିଟର ଉଚ୍ଚତାରେ ଅବସ୍ଥାପିତ କରିବ ଇସ୍ରୋ । ଏହି ସାଟେଲାଇଟ ପରିବେଶ ପର୍ଯ୍ୟବେକ୍ଷଣ, ପାଣିପାଗ ଓ ବିପର୍ଯ୍ୟୟ ପରିଚାଳନାରେ ସହାୟକ ହେବ । ୧୭୫.୫ କେଜି ବିଶିଷ୍ଟ ଏହି EOS-08ରେ ତିନୋଟି ଷ୍ଟେଟ-ଅଫ-ଦ ଆର୍ଟ ପେଲୋଡ ଅଛି ଯଥା, ଇଲେକ୍ଟ୍ରୋ ଅପଟିକାଲ ଇନଫ୍ରାରେଡ ପେଲୋଡ (EOIR), ଗ୍ଲୋବାଲ ନେଭିଗେସନ ସାଟେଲାଇଟ ସିଷ୍ଟମ ରିଫ୍ଲେକୋମେଟ୍ରି ପେଲୋଡ (GNSS-R) ଓ ସିଫ ୟୁବି ଡୋଜିମିଟର (SiC UV Dosimeter) । SSLV ରକେଟର ଲମ୍ବା ୩୪ ମିଟର ଓ ବ୍ୟାସ ୨ ମିଟର । SSLVର ଓଜନ ୧୨୦ ଟନ ଅଟେ । ଏସଏସଏଲବି ୧୦ରୁ ୫୦୦ କିଲୋର ପେଲୋଡସ୍‌କୁ ୫୦୦ କିଲୋମିଟର ପର୍ଯ୍ୟନ୍ତ ପହଞ୍ଚାଇ ପାରିବ । SSLV ମାତ୍ର ୭୨ ଘଣ୍ଟା ମଧ୍ୟରେ ପ୍ରସ୍ତୁତ ହୋଇଯାଏ ।

Leave A Reply

Your email address will not be published.