ଆନ୍ଧ୍ରପ୍ରଦେଶ: ସ୍କୁଲ, ହସପିଟାଲ ଓ ବିଭିନ୍ନ ଅନ୍ତର୍ଜାତୀୟ ବିମାନରେ ବୋମା ଧମକ ମିଳିବ ପରେ ଏବେ ଆନ୍ଧ୍ରପ୍ରଦେଶର ତିରୁପତି ମନ୍ଦିରରେ ସମାନ ଧମକ ମିଳିବା ଆରମ୍ଭ ହୋଇଛି। ତିରୁପତି ମନ୍ଦିର ପରିସରରେ ଥିବା ଅନେକ ହୋଟେଲକୁ ଇମେଲ ମାଧ୍ୟମରେ ବୋମା ଧମକ ମିଳିଥିବା ସୂଚନା ରହିଛି। ସହରର ତିନୋଟି ହୋଟେଲକୁ ଇମେଲ ମାଧ୍ୟମରେ ବୋମା ଧମକ ମିଳିଛି। ଧମକ ମିଳିବା ପରେ ସ୍ଥାନୀୟ କର୍ତ୍ତୃପକ୍ଷଙ୍କ ତରଫରୁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ଅନୁସନ୍ଧାନକାରୀ କୁକୁରମାନଙ୍କ ସହିତ ପୋଲିସ ପ୍ରତିଷ୍ଠାନଗୁଡିକର ପୁଙ୍ଖାନୁପୁଙ୍ଖ ଅନୁସନ୍ଧାନ କରିଥିଲା ଏବଂ ଶେଷରେ ଏହା ଏକ ମିଥ୍ୟା ଧମକ ବୋଲି ନିଶ୍ଚିତ କରିଥିଲା।
ପୋଲିସ ଅଧିକାରୀ କହିଛନ୍ତି, “ତିନୋଟି ହୋଟେଲରେ ବୋମା ଧମକ ଆଲର୍ଟ ମିଳିଥିଲା। ଇମେଲ ସଂପର୍କରେ ଏକ ଏଫଆଇଆର ପଞ୍ଜିକୃତ ହୋଇଛି ଏବଂ ମାମଲାର ବିଭିନ୍ନ ଦିଗରୁ ଯାଞ୍ଚକରାଯାଇଛି। ଆମେ ଶୀଘ୍ର ଦୋଷୀମାନଙ୍କୁ ଚିହ୍ନଟ କରିବୁ ଏବଂ ଯାଞ୍ଚ ଶେଷ ହେବା ପରେ ଇମେଲ ପଛରେ ଥିବା ବ୍ୟକ୍ତିକୁ ଚିହ୍ନଟ କରାଯିବ।”
ବର୍ତ୍ତମାନ ଘଟଣାସ୍ଥଳରେ କୌଣସି ବିପଦ ନାହିଁ। କୌଣସି ପ୍ରକାରର ସନ୍ଦେହଜନକ ସାମଗ୍ରୀ ଉଦ୍ଧାର ନହେବାରୁ ସ୍ପଷ୍ଟ ହୋଇଛି ଯେ ଏହା ଏକ ମିଥ୍ୟା ଧମକ ଥିଲା। କେବଳ ଆତଙ୍କ ସୃଷ୍ଟି କରିବା ପାଇଁ କେହି ଜଣେ ଏପରି ଧମକ ଦେଇଛି। ଏହି ଇମେଲରେ ଡ୍ରଗ୍ କିଙ୍ଗପିନ୍ ଜାଫର୍ ସିଦିକଙ୍କ ନାମ ଉଲ୍ଲେଖ କରାଯାଇଛି, ଯିଏକି ଚଳିତବର୍ଷ ଫେବ୍ରୁଆରି ମାସରେ ଗିରଫ ହୋଇଥିଲେ। ଏହି ଧମକର କାରଣ କ’ଣ ଖୋଜିବା ପାଇଁ ପୁଲିସ ତଦନ୍ତ ଆରମ୍ଭ କରିଛି।