ଅଯୋଧ୍ୟା: ଅଯୋଧ୍ୟା ରାମ ମନ୍ଦିରକୁ ଉଡାଇଦେବାକୁ ଖଲିସ୍ତାନୀ ଆତଙ୍କବାଦୀ ଗୁରୁପତୱନ୍ତ ସିଂ ପନ୍ନୁର ଧମକ। ଏକ ଭିଡିଓ ଜାରି କରି ରାମ ମନ୍ଦିରକୁ ଉଡ଼ାଇ ଦେବାକୁ ସେ ଧମକ ଦେଇଛି। ଭିଡିଓରେ ପନ୍ନୁର କାନାଡାର ହିନ୍ଦୁ ସାଂସଦ ଚନ୍ଦ୍ର ଆର୍ଯ୍ୟଙ୍କୁ ମଧ୍ୟ ଧମକ ଦେଉଥିବା ଜଣାପଡିଛି।
ଶିଖ୍ ଫର ଜଷ୍ଟିସ୍ ନାମକ ଆତଙ୍କବାଦୀ ସଂଗଠନର ମୁଖ୍ୟ ପନ୍ନୁର ଭିଡିଓରେ କହିଛି ଯେ ନଭେମ୍ବର ୧୬ ଏବଂ ୧୭ରେ ଅଯୋଧ୍ୟା ରାମ ମନ୍ଦିରରେ ହିଂସା ହେବ। ପନ୍ନୁର କହିଛି, “ ହିଂସାତ୍ମକ ହିନ୍ଦୁତ୍ୱ ବିଚାରଧାରାର ଜନ୍ମସ୍ଥାନ ଅଯୋଧ୍ୟାର ମୂଳଦୁଆକୁ ଆମେ ଦୋହଲାଇ ଦେବୁ। ତେବେ ପନ୍ନୁର ଏହି ଭିଡିଓକୁ କାନାଡାର ବ୍ରମ୍ପଟନରେ ରେକର୍ଡ କରିଥିବା କୁହାଯାଉଛି। ଏହି ଭିଡିଓରେ ରାମ ମନ୍ଦିର ତଥା ଅନ୍ୟାନ୍ୟ ହିନ୍ଦୁ ଧର୍ମସ୍ଥଳୀ ବିରୁଦ୍ଧରେ ହିଂସା ସୃଷ୍ଟି କରିବାକୁ ମଧ୍ଯ ଧମକ ଦିଆଯାଇଛି।
ପନ୍ନୁର ଧମକ ପରେ ରାମ ମନ୍ଦିରର ସୁରକ୍ଷାକୁ ଆହୁରି ବଢ଼ାଇ ଦିଆଯାଇଛି। ଅଯୋଧ୍ୟା ରେଞ୍ଜ ଆଇଜି ପ୍ରବୀଣ କୁମାର କହିଛନ୍ତି, ଅଯୋଧ୍ୟା ପୂର୍ବରୁ ହିଁ ପୁଲିସ୍ ଓ ଅର୍ଦ୍ଧ ସାମରିକ ବଳର ସୁରକ୍ଷା ବଳୟ ମଧ୍ୟରେ ରହିଛି। ସେମାନେ ସମସ୍ତ ପ୍ରକାରର ଆତଙ୍କୀ ବିପଦକୁ ଟାଳିବା ପାଇଁ ପ୍ରସ୍ତୁତ। ପୁଲିସ୍ ଭାରଇରାଲ ହେଉଥିବା ପନ୍ନୁର ଧମକ ବାର୍ତ୍ତାର ସତ୍ୟତା ଯାଞ୍ଚ କରୁଛି।