୭ ପୋଲିସ କର୍ମଚାରୀ ନିଲମ୍ବିତ

କାନପୁର: ଉତ୍ତରପ୍ରଦେଶର କାନପୁର ଜିଲ୍ଲାର ସିସାମାଉ ବିଧାନସଭା ଆସନ, ମୁଜାଫରନଗରର ମେରାପୁର ବିଧାନସଭା ଆସନ ଏବଂ ମୋରଦାବାଦର କୁଣ୍ଡାର୍କି ବିଧାନସଭା ଆସନରେ ଭୋଟରଙ୍କ ପରିଚୟ ଯାଞ୍ଚ ଅଭିଯୋଗରେ ୭ ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଛି। ସେମାନଙ୍କୁ ନିଲମ୍ବିତ କରିଛନ୍ତି ନିର୍ବାଚନ ଆୟୋଗ।
କାନପୁରରେ ୨, ମୁଜାଫରନଗରରେ ୨ ଏବଂ ମୋରଦାବାଦରେ ୩ ଜଣ ପୋଲିସଙ୍କୁ ନିଲମ୍ବିତ କରାଯାଇଛି। ଅଖିଳେଶ ଯାଦବଙ୍କ ଅଭିଯୋଗ ଆଧାରରେ ନିର୍ବାଚନ ଆୟୋଗ ଏହି ପଦକ୍ଷେପ ନେଇଛନ୍ତି। ଅଖିଳେଶ ଯାଦବ ଏକ୍ସ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ କାନପୁର ନଗର ପୋଲିସ କମିଶନର ଉକ୍ତ ପୋଷ୍ଟ ସମ୍ପର୍କରେ ଯାଞ୍ଚ କରାଯାଉଥିବା ଦର୍ଶାଇଥିଲେ।