ପ୍ରମୁଖ ଖବର

୧୯ ତାରିଖରୁ ଆରମ୍ଭ ହେବ ହବିଷ୍ୟାଳୀ ପଞ୍ଜିକରଣ
ମୟୁରଭଞ୍ଜ: ୩୧ ଛାତ୍ରଛାତ୍ରୀଙ୍କୁ ମାଡ଼ ମାରିବା ଅଭିଯୋଗରେ ଶିକ୍ଷୟିତ୍ରୀ ନିଲମ୍ବିତ
ଗୁମା ଘାଟି ନିକଟରେ ତଳକୁ ଖସିଲା ବସ୍, ୮ ଯାତ୍ରୀ ଆହତ
ଶୁଭାରମ୍ଭ ହେଲା ସୁଭଦ୍ରା ଅଭିଯୋଗ ସମାଧାନ ମଡ୍ୟୁଲ
ନେପାଳରୁ ଯାଜପୁର ଫେରିଲେ ଓଡ଼ିଆ ପର୍ଯ୍ୟଟକ
ପୋଲିସ ଏନକାଉଣ୍ଟରରେ କୁଖ୍ୟାତ ମାଓବାଦୀ ନିହତ

ଗୋଟିଏ ବ୍ୟାଙ୍କ ଆକାଉଣ୍ଟରେ ଯୋଡ଼ି ପାରିବେ ୪ ନୋମିନି

0

ନୂଆଦିଲ୍ଲୀ: ଏବେ ଗୋଟିଏ ବ୍ୟାଙ୍କ ଆକାଉଣ୍ଟରେ ଯୋଡ଼ି ପାରିବେ ୪ ନୋମିନି, ମଙ୍ଗଳବାର ଲୋକ ସଭାରେ ବ୍ୟାଙ୍କିଂ ଆଇନ୍‌ ସଂଶୋଧନ ବିଲ୍‌ ପାରିତ ହୋଇଛି। ଏହି ବିଲ୍‌ରେ ଗୋଟିଏ ବ୍ୟାଙ୍କ ଆକାଉଣ୍ଟରେ ୪ ନୋମିନି ଯୋଡ଼ିବାର ବ୍ୟବସ୍ଥା କରାଯାଇଛି। ଏଥିସହ ଜମାକାରୀଙ୍କୁ ଉତ୍ତମ ସୁରକ୍ଷା ଏବଂ ଘରୋଇ ବ୍ୟାଙ୍କଗୁଡ଼ିକରେ ଉତ୍ତମ ସେବା ଯୋଗାଇବା ପାଇଁ ନୂତନ ବ୍ୟାଙ୍କିଂ ଆଇନ୍‌ ବିଲ୍‌ରେ ବ୍ୟବସ୍ଥା ରହିଛି। ଏହି ବିଲ୍‌ ଅନାବଶ୍ୟକ ଅଂଶଧନ, ବଣ୍ଡ, ଡିଭିଡେଣ୍ଡ, ସୁଧ କିମ୍ବା ରିଡେମ୍ପଶନ ଆୟକୁ ଶିକ୍ଷା ଏବଂ ସଂରକ୍ଷଣ ପାଣ୍ଠିକୁ ସ୍ଥାନାନ୍ତର କରିବାରେ ସହଜ କରିବ। ଏହା ନିବେଶକଙ୍କ ସ୍ବାର୍ଥ ରକ୍ଷା କରିବ ଏବଂ ସ୍ଥାନାନ୍ତର ଏବଂ ରିଫଣ୍ଡ କ୍ଲେମ୍‌ ଦାବି ପାଇଁ ସୁବିଧା ଯୋଗାଇବ।

କୋଭିଡ ମହାମାରୀ ଦ୍ୱାରା ସୃଷ୍ଟି ହୋଇଥିବା ସମସ୍ୟା ପରେ ବ୍ୟାଙ୍କିଂ ଆଇନ୍‌ ସଂଶୋଧନ ବିଲ୍‌ରେ ଏହି ପ୍ରମୁଖ ପରିବର୍ତ୍ତନ କରାଯାଇଛି। ଏବେ ଜଣେ ନୋମିନି ବଦଳରେ ୪ ନୋମିନି କରିବାକୁ ଅନୁମତି ମିଳିବ। ଏହାର ଉଦ୍ଦେଶ୍ୟ ଆକାଉଣ୍ଟଧାରୀଙ୍କ ମୃତ୍ୟୁ ପରେ ଟଙ୍କା ପ୍ରତ୍ୟାହାର କରିବା ସହଜ କରିବା।

ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଏହି ବିଲରେ ଆଉ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଛି। ବର୍ତ୍ତମାନ ପର୍ଯ୍ୟନ୍ତ, ଯଦି ସାତ ବର୍ଷ ପାଇଁ ଏକ ଆକାଉଣ୍ଟରେ କୌଣସି କାରବାର ହୋଇନଥାଏ, ତେବେ ଏହାକୁ ନିବେଶକ ଶିକ୍ଷା ଏବଂ ସୁରକ୍ଷା ପାଣ୍ଠିକୁ ପଠାଯାଇଥିାଏ। ଏହି ସଂଶୋଧନ ପରେ ଆକାଉଣ୍ଟଧାରୀ ନିବେଶକ ଶିକ୍ଷା ଏବଂ ସୁରକ୍ଷା ପାଣ୍ଠିରୁ ରାଶି ଫେରସ୍ତ କରିବାକୁ ଦାବି କରିପାରିବେ।

Leave A Reply

Your email address will not be published.