ପ୍ରମୁଖ ଖବର

ବର୍ଷକୁ ୨ ଥର ହେବ ସିବିଏସଇ ଦଶମ ପରୀକ୍ଷା
ଡାଇରିଆ କଟକଣା ପରେ ଆଜିଠୁ ଯାଜପୁରରେ ଖୋଲିଲା ସ୍କୁଲ
ରାଜସ୍ୱ ସେବା ପାଇଁ ଇ-ରେଜିଷ୍ଟ୍ରେସନ ଆପ୍‌ ଉନ୍ମୋଚନ କଲେ ମୁଖ୍ୟମନ୍ତ୍ରୀ
ବାହାଘର ଦିନକ ପୂର୍ବରୁ ଦୁର୍ଘଟଣାରେ ଚାଲିଗଲା ବରର ଜୀବନ
ବରିଷ୍ଠ ଅଭିନେତା ତଥା ନିର୍ଦ୍ଦେଶକ ନାରାୟଣ ପତିଙ୍କ ପରଲୋକ
ବାସହୀନଙ୍କୁ ଚିହ୍ନଟ କରିବାକୁ ସରକାରଙ୍କ ପକ୍ଷରୁ ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ
ଲଞ୍ଚ ହେଲା ଆକ୍ସିଅମ-୪: ମହାକାଶ ଅଭିମୁଖେ ଶୁଭାଂଶୁ

ଛାତ୍ରଛାତ୍ରୀଙ୍କୁ ବୃତି ନିମନ୍ତେ ବ୍ଲୁ ଷ୍ଟାର ଫାଉଣ୍ଡେସନ୍ ଓ ଆଇଟିଇଆର ମଧ୍ୟରେ ବୁଝାମଣାପତ୍ର ସ୍ୱାକ୍ଷର

0

ଭୁବନେଶ୍ୱର, ମାର୍ଚ୍ଚ ୧୨: ଶିକ୍ଷା ଓ ଅନୁସନ୍ଧାନ ଡିମ୍‌ଡ ଟୁ ବି ବିଶ୍ୱବିଦ୍ୟାଳୟ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍‌ ଏଜୁକେସନ୍ ଆଣ୍ଡ ରିସର୍ଚ୍ଚ (ଆଇଟିଇଆର) ଓ ବ୍ଲୁ ଷ୍ଟାର ଫାଉଣ୍ଡେସନ୍ ମଧ୍ୟରେ ସୋମବାର ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଯାଇଛି। ଏହି ବୁଝାମଣା ଅନୁଯାୟୀ ଆଇଟିଇଆରରେ ଅଧ୍ୟୟନ କରୁଥିବା ଛାତ୍ରଛାତ୍ରୀମାନଙ୍କ ମଧ୍ୟରୁ ଆର୍ଥିକ ଭାବେ ଦୁର୍ବଳ ମାତ୍ର ମେଧାବୀ ଛାତ୍ରଛାତ୍ରୀଙ୍କୁ ଚୟନ କରାଯାଇ ସେମାନଙ୍କୁ ବାର୍ଷିକ ୭୫, ୦୦୦ ଟଙ୍କା ବୃତି ହିସାବରେ ଦିଆଯିବ।

ଏହି ଛାତ୍ରଛାତ୍ରୀଙ୍କୁ ଏହା ଆର୍ଥିକ ସାହାଯ୍ୟ, ପରାମର୍ଶ ଓ ଶିକ୍ଷାନବୀଶ ଭାବେ କାର୍ଯ୍ୟ କରିବାର ଅବକାଶ ତଥା ତାଲିମ ସୁବିଧା ଭାବେ ଉପଲ୨ ହେବ। ଛାତ୍ରଛାତ୍ରୀମାନେ ଅଧ୍ୟୟନର ପ୍ରଥମ ଅବା ଦ୍ୱିତୀୟ ବର୍ଷରେ ଏହି ସୁଯୋଗ ପାଇପାରିବେ। ଏହି ବୁଝାମଣାପତ୍ରରେ ଆଇଟିଇଆରର ଡିନ୍ ପ୍ରଫେସର ପ୍ରଦୀପ କୁମାର ସାହୁ ଓ ବ୍ଲୁ ଷ୍ଟାର ଫାଉଣ୍ଡେସନ୍ ପକ୍ଷରୁ ଏହାର ଟ୍ରଷ୍ଟି ଶ୍ରୀମତି ସୁନୟନା ମୂର୍ତୀ ସ୍ୱାକ୍ଷର କରିଥିଲେ।

ଏହି ଅବସରରେ ବ୍ଲୁ ଷ୍ଟାର ଫାଉଣ୍ଡେସନ୍‌ର ସିଏସ୍‌ଆର ମ୍ୟାନେଜର ଶ୍ରୀମତି ପ୍ରତିଭା ନାୟକ, ମ୍ୟାନେଜର କମର୍ସିଆଲ୍‌ (ଏୟାର କଣ୍ଡିସନିଂ ଡିଭିଜନ୍‌) ଶ୍ରୀ ଅରୁଣ ଜି. ଶେକରନ୍‌, କନ୍‌ସଲ୍‌ଟାଂଟ ଶ୍ରୀ ଏସ୍‌. କଲ୍ୟାଣ, ଆଇଟିଇଆରର ଆଡିସ୍‌ନାଲ୍ ଡିନ୍‌ (ପ୍ଲେସ୍‌ମେଂଟ) ଡ. ରାଜକୁମାର ହୋତା ଓ ମେକାନିକାଲ୍ ଇଞ୍ଜିନିୟରିଂ ବିଭାଗର ମୁଖ୍ୟ ଡ. ସରୋଜ ଆଚାର୍ଯ୍ୟ ଉପସ୍ଥିତ ଥିଲେ।

Leave A Reply

Your email address will not be published.