ଭୁବନେଶ୍ବର: ରାଜଧାନୀ ଭୁବନେଶ୍ୱରରେ ନୂଆ ଉପାୟରେ ଚୋରା ମଦ କାରବାର। ଭୁବନେଶ୍ୱରରେ ଚାଲିଛି କୋଲ୍ଡ ଡ୍ରିଙ୍କ୍ସ ବୋତଲରେ ଦେଶୀ ମଦ ବିକ୍ରି। ଶୁକ୍ରବାର ଘାଟିକିଆରେ ଦେଶୀ ମଦ ଚାଲାଣ ବେଳେ ବିପୁଳ ପରିମାଣର ଦେଶୀମଦ ଜବତ କରିଛି ଅବକାରୀ ବିଭାଗ। ଏଥିସହିତ ଦୁଇଜଣ ବେପାରୀକୁ ଗିରଫ କରାଯାଇଛି।
ସୂଚନା ଅନୁସାରେ, ଭୁବନେଶ୍ବର ଘାଟିକିଆ ବରମୁଣ୍ଡା ରାସ୍ତାରେ ଏକ ଦୋକାନରେ ସ୍ପ୍ରାଇଟ ବୋତଲରେ ମଦ ବିକ୍ରି କରାଯାଉଥିବା ନେଇ କୌଣସି ସୁତ୍ରରୁ ଖବର ପାଇ ଉକ୍ତ ଦୋକାନରେ ପହଞ୍ଚିଥିଲା ଅବକାରୀ ବିଭାଗ। ଦୋକାନରେ ଚଢାଉ କରିବା ପରେ ମଦ ବ୍ୟବସାୟର ଏହି ଅନନ୍ୟ ଉପାୟ ଦେଖି ଅବକାରୀ ବିଭାଗର ମୁଣ୍ଡ ମଧ୍ୟ ଚକ୍କର ଖାଇଥିଲା। ଦେଶୀ ମଦ ଭର୍ତ୍ତି କୋଲ୍ଡ ଡ୍ରିଙ୍କ୍ସ ଟ୍ରେ ସବୁ ଜବତ କରିବା ସହ ଘଟଣାରେ ଦୋକାନ ମାଲିକ ଓ ଅନ୍ୟଜଣେ ବ୍ୟବସାୟୀଙ୍କୁ ଗିରଫ କରିଛି ଅବକାରୀ ବିଭାଗ।