ପ୍ରମୁଖ ଖବର

ବର୍ଷକୁ ୨ ଥର ହେବ ସିବିଏସଇ ଦଶମ ପରୀକ୍ଷା
ଡାଇରିଆ କଟକଣା ପରେ ଆଜିଠୁ ଯାଜପୁରରେ ଖୋଲିଲା ସ୍କୁଲ
ରାଜସ୍ୱ ସେବା ପାଇଁ ଇ-ରେଜିଷ୍ଟ୍ରେସନ ଆପ୍‌ ଉନ୍ମୋଚନ କଲେ ମୁଖ୍ୟମନ୍ତ୍ରୀ
ବାହାଘର ଦିନକ ପୂର୍ବରୁ ଦୁର୍ଘଟଣାରେ ଚାଲିଗଲା ବରର ଜୀବନ
ବରିଷ୍ଠ ଅଭିନେତା ତଥା ନିର୍ଦ୍ଦେଶକ ନାରାୟଣ ପତିଙ୍କ ପରଲୋକ
ବାସହୀନଙ୍କୁ ଚିହ୍ନଟ କରିବାକୁ ସରକାରଙ୍କ ପକ୍ଷରୁ ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ
ଲଞ୍ଚ ହେଲା ଆକ୍ସିଅମ-୪: ମହାକାଶ ଅଭିମୁଖେ ଶୁଭାଂଶୁ

ଇସ୍ରାଏଲରେ ଚାକିରି ଦେବା ନାଁରେ ଠକେଇ

0

ନକଲି ସାକ୍ଷାତକାର ବେଳେ ୩ ଗିରଫ
ଭୁବନେଶ୍ୱର: ଇସ୍ରାଏଲରେ ଚାକିରୀ ଦେବାର ବାହାନାରେ ଅନେକ ଯୁବକଙ୍କୁ ଠକିବା ଅଭିଯୋଗରେ ଭୁବନେଶ୍ୱରର ଖାରବେଳ ଥାନା ଅନ୍ତର୍ଗତ ଏକ ହୋଟେଲରେ ନକଲି ସାକ୍ଷାତକାର କରିବା କରୁଥିବା ବେଳେ କମିଶନରେଟ ପୋଲିସ ତିନି ଜଣଙ୍କୁ ଗିରଫ କରିଛି। ଗିରଫ ହୋଇଥିବା ବ୍ୟକ୍ତିମାନେ ବାବୁଲାହରି ଗୌଡା (୪୨), ମହେଶ ରାମଚନ୍ଦ୍ର ଲୋଖଣ୍ଡେ ଏବଂ କିରଣ ଶଶିକାନ୍ତ ଘୁମରେ (୫୧) ବୋଲି ଚିହ୍ନଟ ହୋଇଛନ୍ତି। ଗଞ୍ଜାମ ଜିଲ୍ଲାର ଖଣ୍ଡରା ଗ୍ରାମର ବାସିନ୍ଦା ବାବୁଲାହର ମୁମ୍ବାଇରେ ରହୁଥିବା ବେଳେ ତାଙ୍କର ଦୁଇ ସହଯୋଗୀ ମୁମ୍ବାଇର ମୂଳ ବାସିନ୍ଦା ବୋଲି ଜଣାପଡିଛି। ୨୦ ଏପ୍ରିଲରେ ସୁନୀଲ କୁମାର ସାହୁ, ପ୍ରୋଟେକ୍ଟର ଅଫ ଏମିଗ୍ରାଣ୍ଟସ, ଭୁବନେଶ୍ୱର (ବୈଦେଶିକ ମନ୍ତ୍ରଣାଳୟ)ଙ୍କ ଅଭିଯୋଗ ଆଧାରରେ, ଭୁବନେଶ୍ୱରର ଖାରବେଲ ନଗର ଥାନା ଅଧୀନରେ ଏକ ହୋଟେଲରେ ଇସ୍ରାଏଲରେ ବିଭିନ୍ନ ପଦବୀ ପାଇଁ ନିଯୁକ୍ତି ଦେବା ନାମରେ ଏକ ନକଲି ସାକ୍ଷାତକାର ଆୟୋଜିତ ହେଉଥିବା ସମ୍ପର୍କରେ ଏକ ମାମଲା ରୁଜୁ କରାଯାଇଥିଲା।

ରିପୋର୍ଟ ଅନୁସାରେ, ଏହି ତିନିଜଣ ସୋସିଆଲ ମିଡିଆରେ ନକଲି ବିଜ୍ଞାପନ ପ୍ରଚାର କରିଥିଲେ ଏବଂ ଶ୍ରମ ଓ ରୋଜଗାର ମନ୍ତ୍ରଣାଳୟର ଆଧିକାରିକ ବିଜ୍ଞପ୍ତି ପରି ଦେଖାଯାଉଥିବା ଜାଲି ଦଲିଲ ବ୍ୟବହାର କରି ଚାକିରୀ ଆଶାୟୀମାନଙ୍କୁ ଭୁଲାଇଥିଲେ। ସେମାନେ ଚାକିରୀ ଆଶାୟୀଙ୍କଠାରୁ ୫,୦୦୦ ଟଙ୍କା ଅଗ୍ରୀମ ନେଉଥିଲେ ଏବଂ (ନକଲି) ଚାକିରୀ ଅଫର ଲେଟର ଜାରି କରିବା ପରେ ୭୦,୦୦୦ ଟଙ୍କା ଦେବାକୁ କହୁଥିଲେ। ଅଭିଯୋଗ ଆଧାରରେ, ପୁଲିସ ଚାକିରୀ ଠକେଇ ମାମଲାରେ ତିନି ଅଭିଯୁକ୍ତଙ୍କୁ ଗିରଫ କରିଛି। ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତମାନେ ବୈଦେଶିକ ମନ୍ତ୍ରଣାଳୟ କିମ୍ବା କୌଣସି ନିବନ୍ଧିତ ନିଯୁକ୍ତି ଏଜେନ୍ସି ଦ୍ୱାରା ଅନୁମୋଦିତ ନ ଥିଲେ। ପୋଲିସ ଅଭିଯୁକ୍ତମାନଙ୍କ ନିକଟରୁ ଅନେକ ପ୍ରାର୍ଥୀଙ୍କ ରେଜ୍ୟୁମ, ଜାଲି ଦଲିଲ ଏବଂ ୪ ଟି ମୋବାଇଲ ଫୋନ ଜବତ କରିଛି।

Leave A Reply

Your email address will not be published.