ଆଗ୍ରା: ତାଜମହଲକୁ ଆରଡ଼ିଏକ୍ସ ସାହାଯ୍ୟରେ ଉଡ଼ାଇ ଦିଆଯିବାର ଧମକ ଦିଆଯାଇଛି। ଏହି ଧମକପୂର୍ଣ୍ଣ ମେଲ୍ କେରଳରୁ ପଠାଯାଇଛି। ଧମକ ପାଇବା ପରେ, ତାଜମହଲରେ ତିନି ଘଣ୍ଟା ଧରି ସର୍ଚ୍ଚ ଅପରେଶନ କରାଯାଇଥିଲା। ଧମକପୂର୍ଣ୍ଣ ଇମେଲ୍ ପାଇବା ପରେ ସୁରକ୍ଷା ଏଜେନ୍ସିଗୁଡ଼ିକ ହାଇ ଆଲର୍ଟ ଜାରି କରିଛନ୍ତି। ତଲାସି ସମୟରେ କୌଣସି ସନ୍ଦେହଜନକ ବସ୍ତୁ ମିଳ ନ ଥିଲା। ଡିସିପି ସିଟିଙ୍କ ନିର୍ଦ୍ଦେଶକ୍ରମେ ସାଇବର ସେଲରେ ଏନେଇ ଏକ ମାମଲା ରୁଜୁ କରାଯାଇଛି।
୨୪ ମେ’ରେ ଆଗ୍ରା ପର୍ଯ୍ୟଟନ ପୋଲିସ ଡାକ ମାଧ୍ୟମରେ ତାଜମହଲ ସ୍ମାରକୀ ଭିତରେ ବିସ୍ଫୋରକ ଥିବା ସୂଚନା ପାଇଥିଲା, ଯାହା ଫଳରେ ତାଜମହଲର ସୁରକ୍ଷା ପାଇଁ ଦାୟୀ ତାଜମହଲ ସୁରକ୍ଷା ପୋଲିସ ଏବଂ ସିଆଇଏସଏଫ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଘଟଣାସ୍ଥଳକୁ ବୋମା ନିଷ୍କ୍ରିୟକାରୀ ଦଳକୁ ଡକାଯାଇଥିଲା। ତାଜମହଲର ୫୦୦ ମିଟର ପର୍ଯ୍ୟନ୍ତ ୟେଲୋ ଜୋନ୍ ଏବଂ ରେଡ୍ ଜୋନରେ କଡ଼ା ଯାଞ୍ଚ ଆରମ୍ଭ ହୋଇଥିଲା। ପର୍ଯ୍ୟଟକଙ୍କ ମଧ୍ୟରେ ଯେପରି କୌଣସି ଆତଙ୍କ ନ ରହେ, ସେଥିପାଇଁ ତାଜ ସୁରକ୍ଷା ପୋଲିସ, ସିଆଇଏସଏଫ, ବୋମା ନିଷ୍କ୍ରିୟକାରୀ ଦଳ ତାଜମହଲକୁ ବହୁତ ସତର୍କତାର ସହ ଯାଞ୍ଚ କରିଥିଲେ। ତାଜ ସୁରକ୍ଷା ବାହିନୀ ତାଜମହଲର ୟେଲୋ ଜୋନ୍ ଏବଂ ରେଡ ଜୋନ ଅର୍ଥାତ୍ ତାଜମହଲ ପରିସରରେ କଡ଼ା ଯାଞ୍ଚ କରିଥିଲେ।
ଏହି ସମୟ ମଧ୍ୟରେ, ତାଜମହଲରେ ଉପସ୍ଥିତ ପର୍ଯ୍ୟଟକମାନେ ବିଚଳିତ ହୋଇ ନ ଥିଲେ। ସୁରକ୍ଷାବାହିନୀ ଯାଞ୍ଚ ଜାରି ରଖିଲେ ଏବଂ ପର୍ଯ୍ୟଟକମାନେ ତାଜ ପରିଦର୍ଶନ କରିଥିଲେ। ପ୍ରତିଦିନ ବହୁ ସଂଖ୍ୟକ ଦେଶୀ ଏବଂ ବିଦେଶୀ ପର୍ଯ୍ୟଟକ ତାଜମହଲ ଦେଖିବାକୁ ଆସିଥାନ୍ତି। ତାଜ ସୁରକ୍ଷାବାହିନୀ ତାଜମହଲକୁ ବହୁତ ଭଲ ଭାବରେ ଯାଞ୍ଚ କରିଥିଲେ। ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି ଯେ, ମେଲ୍ଟି କେରଳରୁ ପଠାଯାଇଛି, ଯାହା ପାଇଁ ଆଗ୍ରା ପୋଲିସ କେରଳ ପୋଲିସର ମଧ୍ୟ ସାହାଯ୍ୟ ନେଉଛି।