ପ୍ରମୁଖ ଖବର

୧୯ ତାରିଖରୁ ଆରମ୍ଭ ହେବ ହବିଷ୍ୟାଳୀ ପଞ୍ଜିକରଣ
ମୟୁରଭଞ୍ଜ: ୩୧ ଛାତ୍ରଛାତ୍ରୀଙ୍କୁ ମାଡ଼ ମାରିବା ଅଭିଯୋଗରେ ଶିକ୍ଷୟିତ୍ରୀ ନିଲମ୍ବିତ
ଗୁମା ଘାଟି ନିକଟରେ ତଳକୁ ଖସିଲା ବସ୍, ୮ ଯାତ୍ରୀ ଆହତ
ଶୁଭାରମ୍ଭ ହେଲା ସୁଭଦ୍ରା ଅଭିଯୋଗ ସମାଧାନ ମଡ୍ୟୁଲ
ନେପାଳରୁ ଯାଜପୁର ଫେରିଲେ ଓଡ଼ିଆ ପର୍ଯ୍ୟଟକ
ପୋଲିସ ଏନକାଉଣ୍ଟରରେ କୁଖ୍ୟାତ ମାଓବାଦୀ ନିହତ

ଦିଲ୍ଲୀର ୫ଟି ବଡ଼ ସ୍କୁଲକୁ ମିଳିଲା ବୋମା ଧମକ

0

ନୂଆଦିଲ୍ଲୀ; ଭାରତର ରାଜଧାନୀ ଦିଲ୍ଲୀର ଏକା ସାଙ୍ଗରେ ୫ଟି ଜଣାଶୁଣା ସ୍କୁଲକୁ ମିଳିଛି ବୋ‌ମା ଧମକ। ବୁଧବାର ସକାଳୁ ଏହି ଧମକ ମିଳିଛି। ଏହା ପରେ ସକାଳୁ ସକାଳୁ ଦିଲ୍ଲୀରେ ହଇଚଇ ସୃଷ୍ଟି ହୋଇଯାଇଛି। ଇମଲେ୍ ଜରିଆରେ ଏହି ଧମକ ମିଳିଥିବା ଜଣାପଡିବାପରେ ପୋଲିସ ତୁରନ୍ତ ସ୍କୁଲ ଗୁଡିକରେ ପହଞ୍ଚି ଛାନ୍‌ ଭିନ୍ କରିଥିଲା। ହେଲେ କୌଣସି ସ୍କୁଲରେ ବି କିଛି ମିଳିନଥିଲା।

ତେବେ ବୋମା ଧମକ ମିଳିଥିବା ଉକ୍ତ ୫ଟି ସ୍କୁଲ ହେଲା ରିଚମଣ୍ଡ ଗ୍ଲୋବାଲ୍ ସ୍କୁଲ, ଦ୍ୱାରକା, ବସନ୍ତ କୁଞ୍ଜ, ପଶ୍ଚିମ ବିହାର, ହୌଜ ଖାସ୍। ଏହି ସ୍କୁଲ ଗୁଡିକୁ ଭୋର ୪ଟା ରୁ ସକାଳ ୮.୩୦ ମଧ୍ୟରେ ଧମକପୂର୍ଣ୍ଣ ଇମେଲ ପଠାଯାଇଥିଲା। ଧମକପୂର୍ଣ୍ଣ ବାର୍ତ୍ତାରେ ଲେଖାଯାଇଥିଲା ଯେ, “ଶୁଭ ସକାଳ। ବିସ୍ଫୋରକ ଉପକରଣଗୁଡ଼ିକୁ ବ୍ୟାଗ ଭିତରେ ଲୁଚାଇ ସ୍କୁଲର ଶ୍ରେଣୀଗୃହରେ ରଖାଯାଇଛି। ଏହା ଅତ୍ୟନ୍ତ ଗମ୍ଭୀର। ତୁମ ସମସ୍ତଙ୍କୁ ପାପର ଫଳ ଭୋଗିବାକୁ ପଡ଼ିବ।”

ତେବେ ଏହି ଧମକପୂର୍ଣ୍ଣ ଇମେଲଟି କିଏ ପଠାଇଥିଲା ବୋଲି ଯାଞ୍ଚ କରାଯିବା ପରେ ଏହା ଜର୍ମାନୀରୁ ଆସିଛି ବୋଲି ଜଣାପଡ଼ିଛି। ହେଲେ ପୋଲିସ ସନ୍ଦେହ କରୁଛି ଯେ, ଭର୍ଚୁଆଲ୍ ପ୍ରାଇଭେଟ୍ ନେଟୱାର୍କ (ଭିପିଏନ) ବ୍ୟବହାର କରି ଅଭିଯୁକ୍ତ ନିଜ ପ୍ରକୃତ ସ୍ଥାନକୁ ଲୁଚାଇ ରଖିଥାଇପାରେ। ତେବେ ଏହି ଘଟଣା ସାମ୍ନାକୁ ଆସିବା ପରେ ଅଭିଭାବକମାନେ ଚିନ୍ତିତ ହୋଇପଡ଼ିଥିଲେ।

ଦନ୍ତରେ ସାମିଲ ଥିବା ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ବୁଧବାର ଆସିଥିବା ଧମକପୂର୍ଣ୍ଣ ଇମେଲଗୁଡ଼ିକର ଆଇପି ଠିକଣା ଏକ ଜର୍ମାନ ନେଟୱାର୍କକୁ ସୂଚିତ କରୁଛି। ଇମେଲ୍ ଆକାଉଣ୍ଟଟି ମଧ୍ୟ ଜର୍ମାନୀ-ଭିତ୍ତିକ ପ୍ରଦାନକାରୀଙ୍କ ସହ ଲିଙ୍କ୍ ଥିବା ଜଣାଯାଇଛି।

Leave A Reply

Your email address will not be published.