ଇରାନ: ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ପତ୍ନୀ ମନସୁରେହ ଖୋଜାସ୍ତେହ ବାଘେରଜାଦେହଙ୍କ ଦେହାବସାନ ଘଟିଥିବା ସୂଚନା ମିଳିଛି। ଇରାନର ସରକାରୀ ଗଣମାଧ୍ୟମ ଅନୁସାରେ, ସେ ଦୁଇ ଦିନ ପୂର୍ବରୁ ଆମେରିକା ଓ ଇସ୍ରାଏଲଙ୍କ ଆକ୍ରମଣରେ ଆହତ ହୋଇଥିଲେ ଏବଂ ଚିକିତ୍ସାଧୀନ ଅବସ୍ଥାରେ ପରଲୋକଗମନ କରିଛନ୍ତି। ଏହି ଆକ୍ରମଣରେ ଖାମେନିଙ୍କ ପରିବାରର ଅନେକ ସଦସ୍ୟଙ୍କ ମୃତ୍ୟୁ ଘଟିଥିବା ଦାବି ହୋଇଛି। ତଥାପି ଏନେଇ ଆମେରିକା ଓ ଇସ୍ରାଏଲ ପକ୍ଷରୁ କୌଣସି ଅଧିକୃତ ସ୍ପଷ୍ଟୀକରଣ ମିଳିନାହିଁ।
ମନସୁରେହ ଖୋଜାସ୍ତେହ ୧୯୬୪ ମସିହାରେ ଖାମେନିଙ୍କୁ ବିବାହ କରିଥିଲେ। ସେ ସାଧାରଣତଃ ଲୋକଲୋଚନରୁ ଦୂରେ ରହୁଥିଲେ ଏବଂ ସରକାରୀ କାର୍ଯ୍ୟକ୍ରମରେ କ୍ୱଚିତ୍ ଦେଖାଯାଉଥିଲେ। ୧୯୮୯ ମସିହାରୁ ଖାମେନି ଇରାନର ସର୍ବୋଚ୍ଚ ରାଜନୈତିକ ଓ ଧାର୍ମିକ ନେତା ଭାବେ ଦାୟିତ୍ୱ ପାଳନ କରୁଛନ୍ତି।