ନୂଆ ଦିଲ୍ଲୀ: ରାଜନୀତିରେ ବଡ଼ ପରିବର୍ତ୍ତନ ଦେଖାଯାଇଛି। ରାଘବ ଚଢା ଆପରୁ ଇସ୍ତଫା ଦେବା ପରେ ବିଜେପିରେ ଯୋଗଦେଇଛନ୍ତି। ସେଙ୍କ ସହ ସନ୍ଦୀପ ପାଠକ ଓ ଅଶୋକ ମିତ୍ତଲ ମଧ୍ୟ ଦଳ ପରିବର୍ତ୍ତନ କରିଛନ୍ତି। ରାଘବ ଚଡ୍ଡାଙ୍କ ସହ ମିଶି ଅଶୋକ ମିତ୍ତଲ ପ୍ରଥମେ ଆପ୍ରୁ ହଠାତ ଇସ୍ତଫା ଦେଇଥିଲେ। ଏହାପରେ ସେ ସିଧା ଦିଲ୍ଲୀ ସ୍ଥିତ ବିଜେପି ମୁଖ୍ୟାଳୟରେ ପହଞ୍ଚି ପଦ୍ମ ଧରିଛନ୍ତି। ତାଙ୍କୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତୀନ ନବୀନ ମିଠା ଖୁଆଇ ଓ ଫୁଲ ତୋଡ଼ା ଦେଇ ଦଳକୁ ସ୍ୱାଗତ ମଧ୍ୟ କରିଛନ୍ତି। ତାଙ୍କ ସହ ରାଘବ ଚଡ୍ଡା ଓ ପଞ୍ଜାବରୁ ରାଜ୍ୟସଭାକୁ ଯାଇଥିବା ସନ୍ଦୀପ ପାଠକ ମଧ୍ୟ ବିଜେପିରେ ସାମିଲ ହୋଇଛନ୍ତି।
ରାଘବ ଚଢା କହିଛନ୍ତି, “ମୁଁ ଆପଣଙ୍କୁ ଦଳର କାର୍ଯ୍ୟକଳାପରୁ ନିଜକୁ ଦୂରେଇ ରଖିବାର ପ୍ରକୃତ କାରଣ କହୁଛି। ମୁଁ ସେମାନଙ୍କ ଅପରାଧର ଅଂଶ ହେବାକୁ ଚାହୁଁ ନଥିଲି। ମୁଁ ସେମାନଙ୍କ ଅପରାଧରେ ସାମିଲ ନ ଥିବାରୁ ମୁଁ ସେମାନଙ୍କ ବନ୍ଧୁତା ପାଇଁ ଯୋଗ୍ୟ ନ ଥିଲି। ଆମ ପାଖରେ କେବଳ ଦୁଇଟି ବିକଳ୍ପ ଥିଲା, ରାଜନୀତି ଛାଡି ଗତ ୧୫ -୧୬ ବର୍ଷ ଧରି ଆମେ କରିଥିବା ଜନହିତକର କାର୍ଯ୍ୟକୁ ପରିତ୍ୟାଗ କରିବା, କିମ୍ୱା ଆମର ଶକ୍ତି ଏବଂ ଅଭିଜ୍ଞତାକୁ ସକାରାତ୍ମକ ରାଜନୀତି କରିବା ପାଇଁ ବ୍ୟବହାର କରିବା।” ତେଣୁ, ଆମେ ନିଷ୍ପତ୍ତି ନେଇଛୁ ଯେ ଆମେ, ରାଜ୍ୟ ସଭାରେ ଏଏପି ସଦସ୍ୟଙ୍କ ମଧ୍ୟରୁ ୨/୩ , ଭାରତର ସମ୍ୱିଧାନର ବ୍ୟବସ୍ଥା ବ୍ୟବହାର କରି ଭାଜପାରେ ଯୋଗଦେବୁ। ଏହି ଘଟଣା ପରେ ରାଜ୍ୟସଭାରେ ଆପ୍ର ସଂଖ୍ୟା ଅତ୍ୟନ୍ତ କମିଯାଇଛି ଏବଂ ଦଳ ଏବେ ଦୁର୍ବଳ ସ୍ଥିତିରେ ପହଞ୍ଚିଛି। ଏପରି ସମୟରେ ରାଘବ ଚଢ଼ା କହିଛନ୍ତି ଯେ, “ମୁଁ ଠିକ୍ ଲୋକ, କିନ୍ତୁ ଭୁଲ ଦଳରେ ଥିଲି।”