ପଶ୍ଚିମବଙ୍ଗ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ପିଏ ଚନ୍ଦ୍ରନାଥ ରଥଙ୍କ ହତ୍ୟାକାଣ୍ଡ ମାମଲାରେ ପଶ୍ଚିମବଙ୍ଗ ଏସଟିଏଫ ବିହାରର ବକ୍ସରରୁ ତିନିଜଣ ସନ୍ଦିଗ୍ଧଙ୍କୁ ଅଟକ ରଖିଛି। ସେମାନଙ୍କ ମଧ୍ୟରେ କୁଖ୍ୟାତ ଶାର୍ପ ସୁଟର ବିଶାଲ ଶ୍ରୀବାସ୍ତବ ମଧ୍ୟ ରହିଛନ୍ତି। ଅନ୍ୟ ଦୁଇଜଣ ହେଲେ ମୟଙ୍କ ମିଶ୍ର ଏବଂ ଭିକି ମୌର୍ଯ୍ୟ।
ବିହାର ପୁଲିସ ସୂଚନା ଅନୁସାରେ, ପଶ୍ଚିମବଙ୍ଗ ପୁଲିସର ଏକ ବିଶେଷ ଟିମ୍ ବକ୍ସରରେ ଚଢାଉ କରି ଏହି ସନ୍ଦିଗ୍ଧମାନଙ୍କୁ ଧରିଥିଲା। ପରେ ସେମାନଙ୍କୁ ପଚରାଉଚରା ପାଇଁ ପଶ୍ଚିମବଙ୍ଗକୁ ନିଆଯାଇଛି। ବିଶାଲଙ୍କ ବିରୋଧରେ ହତ୍ୟା ଓ ଡକାୟତି ସମେତ ୨୨ରୁ ଅଧିକ ମାମଲା ରହିଥିବା ସୂଚନା ମିଳିଛି। ତଦନ୍ତ ସମୟରେ କଲକାତା ନିକଟର ଏକ ଟୋଲ୍ ବୁଥରେ ହୋଇଥିବା ୟୁପିଆଇ ପେମେଣ୍ଟକୁ ଟ୍ରାକ୍ କରି ପୁଲିସ ଅଭିଯୁକ୍ତମାନଙ୍କ ନିକଟକୁ ପହଞ୍ଚିଥିଲା।
୬ ମେ ରାତିରେ ମଧ୍ୟମଗ୍ରାମରେ ଘରକୁ ଫେରୁଥିବାବେଳେ ଚନ୍ଦ୍ରନାଥ ରଥଙ୍କୁ ତାଙ୍କ ଏସୟୁଭି ଭିତରେ ଅତି ନିକଟରୁ ଗୁଳି କରାଯାଇଥିଲା। ଏହି ଆକ୍ରମଣରେ ତାଙ୍କ ଡ୍ରାଇଭର ବୁଦ୍ଧଦେବ ବେରା ମଧ୍ୟ ଗୁରୁତର ଆହତ ହୋଇଥିଲେ।