ମୁଖ୍ୟମନ୍ତ୍ରୀ ହେବା ପରେ ତ୍ରିଚି ଆସନ ଛାଡିଲେ ବିଜୟ

ତାମିଲନାଡୁ: ଟିଭିକେ ନେତା ଚନ୍ଦ୍ରଶେଖର ଯୋଶେଫ ବିଜୟ ରବିବାର ତାମିଲନାଡୁର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ସଦ୍ୟ ସମାପ୍ତ ବିଧାନସଭା ନିର୍ବାଚନରେ ବିଜୟ ତିରୁଚିରାପଲ୍ଲୀ-ପୂର୍ବ (ତ୍ରିଚି) ଏବଂ ପେରାମ୍ବୁର ଏହି ଦୁଇଟି ଆସନରୁ ପ୍ରତିଦ୍ବନ୍ଦ୍ବିତା କରି ଉଭୟ ଆସନରେ ବିଜୟୀ ହୋଇଥିଲେ। ତେବେ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ସେ ତ୍ରିଚି ଆସନରୁ ଇସ୍ତଫା ଦେଇଥିବା ଜଣାପଡିଛି। ବିଜୟ ତ୍ରିଚି ଆସନରେ ଡିଏମକେ ପ୍ରାର୍ଥୀ ଏସ୍‌. ଇନିଗୋ ଇରୁଦାୟାରାଜଙ୍କୁ ଏବଂ ପେରାମ୍ବୁର ଆସନରେ ଡିଏମକେର ଆର୍‌.ଡି. ଶେଖରଙ୍କୁ ପରାସ୍ତ କରିଥିଲେ।