ମୁମ୍ବଇ-ପୁଣେ ଏକ୍ସପ୍ରେସୱେରେ ସୁପ୍ରିୟା ସୁଲେଙ୍କ କାର୍‌କୁ ଧକ୍କା

ମୁମ୍ବଇ: ଲୋକସଭା ସାଂସଦ ଏବଂ ଏନ୍‌ସିପିର କାର୍ଯ୍ୟକାରୀ ସଭାପତି ସୁପ୍ରିୟା ସୁଲେ ଏକ ବଡ଼ ସଡ଼କ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି। ଶନିବାର ସେ ମୁମ୍ବଇରୁ ପୁଣେ ଯାଉଥିବାବେଳେ ମୁମ୍ବଇ-ପୁଣେ ଏକ୍ସପ୍ରେସୱେରେ ଏକ ଅଜଣା ଗାଡି ତାଙ୍କ କାର୍‌କୁ ଧକ୍କା ଦେଇଥିଲା। ଘଟଣାବେଳେ ସୁପ୍ରିୟା ସୁଲେ, ଡ୍ରାଇଭର ଏବଂ ଅନ୍ୟ ଆରୋହୀମାନେ ସିଟ୍‌ ବେଲ୍‌ଟ ପିନ୍ଧିଥିବାରୁ କେହି ଗୁରୁତର ଆହତ ହୋଇନଥିବା ସେ କହିଛନ୍ତି। ଧକ୍କା ଦେଇଥିବା ଗାଡିଟି ଗୁଜରାଟରେ ପଞ୍ଜୀକୃତ ହୋଇଥିବା ସୂଚନା ମଧ୍ୟ ସେ ଦେଇଛନ୍ତି।