କେରଳରେ ବର୍ଷା ବିତ୍ପାତ: ୮ ମୃତ, ୮ ନିଖୋଜ

କେରଳ: କେରଳରେ ପ୍ରବଳ ବର୍ଷା, ଭୂସ୍ଖଳନ ଓ ଜଳବନ୍ଦୀ ସ୍ଥିତି ଯୋଗୁଁ ବ୍ୟାପକ କ୍ଷୟକ୍ଷତି ଘଟିଛି। ବର୍ଷା ବିତ୍ପାତରେ ୮ ଜଣଙ୍କ ମୃତ୍ୟୁ ଘଟିଥିବା ବେଳେ ୧୩ ଜଣ ଆହତ ଓ ୮ ଜଣ ନିଖୋଜ ଅଛନ୍ତି। ୨୭ଟି ଘର ସମ୍ପୂର୍ଣ୍ଣ ଭାଙ୍ଗିଯାଇଥିବା ବେଳେ ୧୯୬ଟି ଘର ଆଂଶିକ କ୍ଷତିଗ୍ରସ୍ତ ହୋଇଛି। ୨୦୯ଟି ରିଲିଫ୍ ଶିବିରରେ ୫,୭୯୨ ଜଣଙ୍କୁ ଆଶ୍ରୟ ଦିଆଯାଇଛି। ପଥନମଥିଟ୍ଟା, ଇଡୁକ୍କି, ୱାୟନାଡ, କୋଟ୍ଟାୟମ୍, କୋଝିକୋଡ ଓ କାନ୍ନୁର ଜିଲ୍ଲା ସବୁଠୁ ଅଧିକ ପ୍ରଭାବିତ ହୋଇଥିବାବେଳେ କାନ୍ନୁରର ଆୟାଙ୍କୁନ୍ନୁରେ ସର୍ବାଧିକ ୩୨୦ ମିଲିମିଟର ବର୍ଷା ରେକର୍ଡ ହୋଇଛି।