ଅଧିକ ଘନୀଭୂତ ହେବା ସମ୍ଭାବନା
ଭୁବନେଶ୍ବର: ଆସନ୍ତା ୨୦ ସେପ୍ଟେମ୍ବର ବେଳକୁ ଉତ୍ତର ଆଣ୍ଡମାନ ସାଗର ସଂଲଗ୍ନ ପୂର୍ବ କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି। ପରବର୍ତ୍ତୀ ୪-୫ ଦିନ ମଧ୍ୟରେ ଏହା ପଶ୍ଚିମ ଉତ୍ତର ପଶ୍ଚିମ ଦିଗରେ ଅଗ୍ରସର ହୋଇ ଅଧିକ ଘନୀଭୂତ ହେବାର ସମ୍ଭାବନା ରହିଛି ବୋଲି କିଛି ମଡେଲ ପୂର୍ବାନୁମାନ କରିଛନ୍ତି। ଏହି ସମୟରେ ସିଷ୍ଟମ୍ ଘନୀଭୂତ ହେବା ପାଇଁ ପାଗ ମୁଖ୍ୟତଃ ଅନୁକୂଳ ରହିବାର ସମ୍ଭାବନା ରହିଛି। ତେବେ ଏହି ସିଷ୍ଟମ୍ କେଉଁ ଆଡେ ଗତି କରିବ ଓ କେତେ ଅଧିକ ଘନୀଭୂତ ହେବ ସେ ସମ୍ପର୍କରେ ଅଧିକ ସୂଚନା ୧୮-୧୯ ତାରିଖ ବେଳକୁ ମିଳିବ। ୧୯ ତାରିଖ ବେଳକୁ ପଶ୍ଚିମ ରାଜସ୍ଥାନ ରୁ ଦକ୍ଷିଣ ପଶ୍ଚିମ ମୌସୁମୀ ବାୟୁ ଫେରିବା ପାଇଁ ପାଗ ଅନୁକୂଳ ରହିଛି।
ଆସନ୍ତା ୧୮ ତାରିଖ ଯାଏଁ ବଡ଼ ବର୍ଷାର ସମ୍ଭାବନା ନାହିଁ , ପାଗ ମୁଖ୍ୟତଃ ଶୁଖିଲା ରହିବ। ତେବେ କିଛି ସ୍ଥାନରେ ଅପରାହ୍ନରେ ବିଜୁଳି ଘଡ଼ଘଡ଼ି ସହ ବର୍ଷା ହେବାର ସମ୍ଭାବନା ରହିଛି।
ପୂର୍ବାନୁମାନ- (ଅଧ୍ୟାପକ) ସାର୍ଥକ ମିଶ୍ର