ନ୍ୟୁଜ୍ ବ୍ୟୁରୋ: ୨୦୨୬ ଏସିଆନ୍ ଗେମ୍ସରେ ଗୁରୁବାର ଭାରତ ପାଇଁ ପଦକ ଦୃଷ୍ଟିରୁ ଉଲ୍ଲେଖନୀୟ ଦିନ ରହିଛି। ବିଭିନ୍ନ ଇଭେଣ୍ଟରେ ଭାରତୀୟ ଖେଳାଳିମାନେ ୫ଟି ପଦକ ଜିତିଛନ୍ତି। ଏଥିସହ ଭାରତର ମୋଟ ପଦକ ସଂଖ୍ୟା ୧୭ରେ ପହଞ୍ଚିଛି। ଏଥିରେ ୧ଟି ସ୍ୱର୍ଣ୍ଣ, ୭ଟି ରୌପ୍ୟ ଓ ୯ଟି ବ୍ରୋଞ୍ଜ ରହିଛି। ଉସୁରୁ ଭାରତକୁ ଗୋଟିଏ ରୌପ୍ୟ ପଦକ ମିଳିଛି। ମହିଳା ୬୦ କିଲୋଗ୍ରାମ ବର୍ଗରେ ଏନ୍. ରୋସିବିନା ଦେବୀ ଏହି ସଫଳତା ହାସଲ କରିଛନ୍ତି। ଆଥଲେଟିକ୍ସରେ ମଧ୍ୟ ଭାରତୀୟ ଖେଳାଳିମାନେ ପଦକ ଜିତିଛନ୍ତି। ୪x୪୦୦ ମିଟର ରିଲେରେ ସୀମା ବ୍ରୋଞ୍ଜ ପଦକ ହାସଲ କରିଛନ୍ତି। ସନାତନ ସିଂହ ଓ ସଲମାନ ଖାନ୍ ସ୍କୁଲ ଇଭେଣ୍ଟରେ ବ୍ରୋଞ୍ଜ ପଦକ ଜିତିଛନ୍ତି। ସୁଟିଂରେ ସ୍କେଟ୍ ସୁଟିଂ ମିକ୍ସଡ୍ ଇଭେଣ୍ଟରେ ଅନନ୍ତଜିତ ସିଂହ ନରୁକା ଓ ପରିନାଜ ଦିଲୱାଲିଆ ବ୍ରୋଞ୍ଜ ପଦକ ହାସଲ କରିଛନ୍ତି। ରୋଇଂରେ ମଧ୍ୟ ଭାରତକୁ ଗୋଟିଏ ପଦକ ମିଳିଛି।
ତେବେ କିଛି ଇଭେଣ୍ଟରେ ଭାରତୀୟ ଖେଳାଳି ପଦକରୁ ବଞ୍ଚିତ ହୋଇଛନ୍ତି। ପୁରୁଷ ୧୦ ମିଟର ଏୟାର ପିସ୍ତଲ ଟିମ୍ ଇଭେଣ୍ଟରେ କମଲଜିତ, କେ. ବାଲକ୍ରିଷ୍ଣା ଓ ଆକାଶ ଭରଦ୍ୱାଜ ଚତୁର୍ଥ ସ୍ଥାନରେ ରହି ପଦକ ହାତଛଡ଼ା କରିଛନ୍ତି।