ଆଇସ୍କ୍ୟୁବ୍ ନ୍ୟୁଟ୍ରିନୋ ଗବେଷଣା ପାଇଁ ଫ୍ରାନ୍ସିସ ହାଲ୍ଜେନଙ୍କୁ ଫିଜିକ୍ସରେ ନୋବଲ୍ ପୁରସ୍କାର
ନ୍ୟୁଜ୍ ବ୍ୟୁରୋ:ଚଳିତ ବର୍ଷ ପଦାର୍ଥ ବିଜ୍ଞାନ (ଫିଜିକ୍ସ)ରେ ନୋବେଲ୍ ପୁରସ୍କାର ପାଇଁ ବିଶିଷ୍ଟ ପଦାର୍ଥ ବିଜ୍ଞାନୀ ଫ୍ରାନ୍ସିସ୍ ହାଲ୍ଜେନଙ୍କୁ ଚୟନ କରାଯାଇଛି। ଆଇସ୍କ୍ୟୁବ୍ ନ୍ୟୁଟ୍ରିନୋ ଅବଜରଭେଟୋରିରେ ତାଙ୍କ ଗୁରୁତ୍ୱପୂର୍ଣ୍ଣ ଗବେଷଣା ପାଇଁ ତାଙ୍କୁ ଏହି ସମ୍ମାନ ଦିଆଯିବ ବୋଲି ରୟାଲ୍ ସ୍ୱିଡିଶ୍ ଏକାଡେମୀ ଅଫ୍ ସାଇନ୍ସେସ୍ ପକ୍ଷରୁ ଘୋଷଣା କରାଯାଇଛି।
ବେଲଜିୟମ୍-ଆମେରିକୀୟ ବୈଜ୍ଞାନିକ ହାଲ୍ଜେନ୍ ୱିସ୍କନସିନ୍-ମ୍ୟାଡିସନ୍ ବିଶ୍ୱବିଦ୍ୟାଳୟରେ ପଦାର୍ଥ ବିଜ୍ଞାନର ପ୍ରଫେସର ଅଛନ୍ତି। ଆଇସ୍କ୍ୟୁବ୍ ନ୍ୟୁଟ୍ରିନୋ ଅବଜରଭେଟୋରି ମାଧ୍ୟମରେ ଅତ୍ୟଧିକ ଶକ୍ତିଶାଳୀ ନ୍ୟୁଟ୍ରିନୋର ଅଧ୍ୟୟନ ଓ ବ୍ରହ୍ମାଣ୍ଡର ଉଚ୍ଚ-ଶକ୍ତି ଘଟଣା ସମ୍ପର୍କରେ ତାଙ୍କ ଗବେଷଣା ବିଜ୍ଞାନ ଜଗତରେ ବିଶେଷ ଗୁରୁତ୍ୱ ବହନ କରେ। ଏହା ପୂର୍ବରୁ ସୋମବାର ଚଳିତ ବର୍ଷର ମେଡିସିନ୍ ନୋବେଲ୍ ପୁରସ୍କାର ଘୋଷଣା ହୋଇଥିଲା। ଅପ୍ଟୋଜେନେଟିକ୍ସ କ୍ଷେତ୍ରରେ ଉଲ୍ଲେଖନୀୟ ଗବେଷଣା ପାଇଁ ଆମେରିକୀୟ ବୈଜ୍ଞାନିକ କାର୍ଲ ଡେସେରୋଥ୍ ଏବଂ ଜର୍ମାନୀର ପିଟର ହେଗେମ୍ୟାନ୍ ଓ ଜର୍ଜ ନାଗେଲ୍ଙ୍କୁ ଯୁଗ୍ମ ଭାବେ ଏହି ପୁରସ୍କାର ପ୍ରଦାନ କରାଯିବ।