ପ୍ରମୁଖ ଖବର

ବାତ୍ୟା ଆଶଙ୍କା: ମାଲକାନଗିରିରେ ୧୯ ଓ ୨୦ରେ ସ୍କୁଲ୍‌, କଲେଜ ଛୁଟି
ଆଇପିଏଲ୍‌ରୁ ସନ୍ନ୍ୟାସ ନେଲେ ଧୋନି
ଭାସ୍କର ଜ୍ୟୋତି ଶର୍ମାଙ୍କୁ ଓଏଫଡିସି ଅଧ୍ୟକ୍ଷ ଦାୟିତ୍ୱ
ଦିଲ୍ଲୀରେ ପୁରୁଣା କୋଠାର ଛାତ ଭୁଶୁଡ଼ି ୨ ମୃତ, ୪ ଆହତ
ସରକାରୀ କର୍ମଚାରୀଙ୍କ ୩% ବଢ଼ିଲା ମହଙ୍ଗା ଭତ୍ତା, ଏବେ ମିଳିବ ୬୩%
ଶୀତ ଅଧିବେଶନ ପାଇଁ କଡ଼ା ସୁରକ୍ଷା, ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ

୭୫ ବର୍ଷରେ ଭେଟେରାନ ଅଭିନେତା ନାନା ପାଟେକରଙ୍କ ପରଲୋକ

0

ଗୋଆ: ଭାରତୀୟ ସିନେମାର ଅନ୍ୟତମ ପ୍ରତିଭାଶାଳୀ ଅଭିନେତା ନାନା ପାଟେକରଙ୍କ ୭୫ ବର୍ଷ ବୟସରେ ପରଲୋକ ଘଟିଛି। ଗୁରୁବାର ସକାଳ ୫ଟା ୨୦ରେ ଗୋଆସ୍ଥିତ ତାଙ୍କ ବାସଭବନରେ ହୃଦଘାତ ଯୋଗୁ ତାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ତାଙ୍କ ବିୟୋଗରେ ହିନ୍ଦୀ ଓ ମରାଠୀ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି।

ଗୋଆର ମଣିପାଲ ହସ୍ପିଟାଲର ଡାକ୍ତର ଶେଖର ସାଲକରଙ୍କ ସୂଚନା ଅନୁଯାୟୀ, ନାନା ପାଟେକରଙ୍କ ଘରେ ହୃଦଘାତ ହୋଇଥିଲା। ତାଙ୍କୁ ପ୍ରାୟ ୪୫ ମିନିଟ୍ ଧରି ନିରନ୍ତର ସିପିଆର ଦିଆଯାଇଥିଲେ ମଧ୍ୟ ତାଙ୍କ ଅବସ୍ଥାରେ ସୁଧାର ହୋଇନଥିଲା। ଘଟଣାରେ ମେଡିକୋ-ଲିଗାଲ୍ ମାମଲା ରୁଜୁ ହୋଇଥିବା ବେଳେ ପୋଷ୍ଟମର୍ଟମ୍ କରାଯିବ ବୋଲି ଡାକ୍ତର ସାଲକର କହିଛନ୍ତି। ବିଶ୍ୱନାଥ ପାଟେକର ଭାବେ ଜନ୍ମଗ୍ରହଣ କରିଥିବା ନାନା ପାଟେକରଙ୍କ ଜନ୍ମ ୧୯୫୧ ଜାନୁଆରୀ ୧ରେ ମହାରାଷ୍ଟ୍ରର ରାୟଗଡ଼ ଜିଲାର ମୁରୁଦ-ଜଞ୍ଜିରାରେ ହୋଇଥିଲା। ୧୯୭୮ରେ ‘ଗମନ’ ଚଳଚ୍ଚିତ୍ର ମାଧ୍ୟମରେ ସେ ହିନ୍ଦୀ ସିନେମାରେ ପାଦ ଥାପିଥିଲେ। ଅଭିନୟ ସହିତ ସେ ପ୍ରଯୋଜକ, ନିର୍ଦ୍ଦେଶକ ଓ ଲେଖକ ଭାବେ ମଧ୍ୟ ନିଜ ପରିଚୟ ସୃଷ୍ଟି କରିଥିଲେ।

ସଲାମ ବମ୍ବେ!’, ‘ପରିନ୍ଦା’, ‘କ୍ରାନ୍ତିବୀର’, ‘ଅଗ୍ନିସାକ୍ଷୀ’, ‘ଖାମୋଶୀ: ଦି ମ୍ୟୁଜିକାଲ୍’, ‘ଅବ ତକ୍ ଛପ୍ପନ’, ‘ରାଜନୀତି’ ଓ ‘ୱେଲକମ୍’ ଭଳି ଚଳଚ୍ଚିତ୍ରରେ ତାଙ୍କ ଅଭିନୟ ବେଶ ପ୍ରଶଂସିତ ହୋଇଥିଲା। ‘ପରିନ୍ଦା’, ‘କ୍ରାନ୍ତିବୀର’ ଓ ‘ଅଗ୍ନିସାକ୍ଷୀ’ ପାଇଁ ସେ ତିନିଥର ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ। ଏହାବ୍ୟତୀତ ଚାରିଟି ଫିଲ୍ମଫେୟାର ଓ ଦୁଇଟି ଫିଲ୍ମଫେୟାର ମରାଠୀ ପୁରସ୍କାର ମଧ୍ୟ ହାସଲ କରିଥିଲେ। ୨୦୧୩ରେ ତାଙ୍କୁ ପଦ୍ମଶ୍ରୀରେ ସମ୍ମାନିତ କରାଯାଇଥିଲା। ତାଙ୍କ ବିୟୋଗ ଭାରତୀୟ ସିନେମା ପାଇଁ ଏକ ଅପୂରଣୀୟ କ୍ଷତି।

Leave A Reply

Your email address will not be published.