ଚୀନରେ ଗତ ଦୁଇ ଦିନ ଧରି ଆତଙ୍କ ଖେଳିଯାଇଛି । ଚୀନର ସରକାର ନିଜ ନାଗରିକ ମାନଙ୍କୁ ଅତ୍ୟାବଶ୍ୟକ ସାମଗ୍ରୀ ମହଜୁଦ ରଖିବାକୁ କହିଛନ୍ତି । ତେବେ ସରକାରଙ୍କ ପକ୍ଷରୁ କଣ ପାଇଁ ଏଭଳି ନିର୍ଦ୍ଦେଶ ଦିଆଯାଇଛି ତାହା ସ୍ପଷ୍ଟ ହୋଇନଥିବା ବେଳେ କରୋନା କାରଣରୁ କିମ୍ବା ଚୀନ ଯୁଦ୍ଧ ଆରମ୍ଭ କରିବାକୁ ଯାଉଛି ବୋଲି ଏଭିଳି କୁହାଯାଇଥିବା ପ୍ରଶ୍ନ ଉଠିଛି ।
ଦୈନଦିନ ସାମଗ୍ରୀ ମହଜୁଦ ରଖିବାକୁ ନିର୍ଦ୍ଦେଶ ପରେ ସ୍ଥିତି ଆହୁରି ବିଗିଡିଯାଇଛି । ଗତ ଦୁଇ ଦିନ ଧରି ମଲ ଓ ବଜାରରେ ଲୋକଙ୍କ ଭିଡ଼ ଜମୁଛି । ଲୋକମାନେ ଅତ୍ୟାବଶ୍ୟକ ସାମଗ୍ରୀ କିଣିବାରେ ଲାଗିପଡିଛନ୍ତି । ଲୋକମାନେ କେବଳ ଜରୁରୀ ଜିନିଷ ସଂଗ୍ରହ କରୁନାହାଁନ୍ତି ବଂର ଚାଉଳ, ଲୁଣ, ତେଲ,ଚିନି, ନୁଡୁଲ୍ସ ମଧ୍ୟ କିଣିବାରେ ଲାଗିପଡିଛନ୍ତି ।
ଜଣେ ବେଜିଂ ବାସିନ୍ଦାଙ୍କ କହିଛନ୍ତି ଯେ, ସେ ଭୟଭୀତ ନୁହଁନ୍ତି, କିନ୍ତୁ ଆମକୁ ପୂର୍ବଅପେକ୍ଷା ଅଧିକ ସତର୍କ ରହିବା ଉଚିତ । ତାଇୱାନ ସହ ତିକ୍ତତା ବଢିବାର ଏହା ପ୍ରଭାବ ବୋଲି ସେ କହିଛନ୍ତି । ଚୀନ ବାସିନ୍ଦା ଅନୁମାନ କରୁଛନ୍ତି ଯେ, ଚୀନ ତାଇୱାନ ଉପରେ ଆକ୍ରମଣ କରିପାରେ ଏବଂ ତା ପରେ ପ୍ରତିବନ୍ଧକ କିମ୍ବା ଯୁଦ୍ଧ ହେତୁ ରାସନ ସାମଗ୍ରୀର ଅଭାବ ପଡିପାରେ ।
ଅନ୍ୟପଟେ, ଏହା ବି ଆଶଙ୍କା କରାଯାଉଛି ଯେ, ଚୀନରେ ପୁଣି ଥରେ ଲକଡାଉନ ହେବାର ସମ୍ଭାବନା ରହିଛି । କାରଣ ଅକ୍ଟୋବର ୧୭ରୁ ନଭେମ୍ବର ୧ ମଧ୍ୟରେ ୫୩୮ ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ । ଲଗାତର ଟେଷ୍ଟିଂ ଓ ଟିକାକରଣ ପରେ ବି ସଂକ୍ରମିତଙ୍କ ସଂଖ୍ୟା ବଢିବା ଚୀନକୁ ପୁଣି ଚିନ୍ତାରେ ପକାଇଛି ।
ଡିସେମ୍ବରରେ ଯେତେବେଳେ କରୋନାର ପ୍ରଥମ ମାମଲା ଆସିଥିଲା । ସେତେବେଳେ ଲକଡାଉନ ଲାଗୁ କରାଯାଇଥିଲା । ଏହା ପରେ କରୋନା ସଂକ୍ରମଣ ଦେଶରୁ କମିଥିଲା । କିନ୍ତୁ ଏବେ ସଂକ୍ରମଣ ବଢୁଥିବାରୁ ଲକଡାଉନ ଲାଗୁ କରାଯିବାର ସମ୍ଭାବନା ରହିଛି ।