ଭୂକମ୍ପରେ ଥରିଲା ଓଡିଶା

ଭୂକମ୍ପରେ ଥରିଲା ଓଡିଶା । କଳାହାଣ୍ଡି ଓ ନବରଙ୍ଗପୁରରେ ଭୂମିକମ୍ପର ଝଟ୍‌କା ଅନୁଭୂତ ହୋଇଛି । ଆଜ ଦିନ ପ୍ରାୟ ସାଢେ ୨ଟା ସମୟରେ ଏହି
ଭୂକମ୍ପର ଝଟକା ୧୦ରୁ ୧୫ ସେକେଣ୍ଡ ପର୍ଯ୍ୟନ୍ତ ଅନୁଭୂତ ହୋଇଥିଲା । ହଠାତ ବଡ ଜୋରରେ ଶଦ୍ଦ ହେବା ସହ ଘରର ଆସବାବପତ୍ର ହଲିବାକୁ ଲାଗିଥିଲା । ଫଳରେ ଲୋକମାନେ ଭୟଭୀତ ହୋଇ ଘରୁ ବାହରକୁ ଦୌଡିବାକୁ ଲାଗିଥିଲେ । ଭୂମିକମ୍ପ ପ୍ରଭାବରେ କେତକ ଘରେ ଫାଟ ଦେଖିବାକୁ ମିଳିଛି । ତେବେ ବିଶେଷ କିଛି କ୍ଷୟକ୍ଷତି ହୋଇନାହିଁ ।ରେକ୍ଟର ସ୍ଲେଲରେ ଭୂମିକମ୍ପର ତୀବ୍ରତା ୩.୫ ଥିବା ଭୁବନେଶ୍ୱର ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ନବରଙ୍ଗପୁରର ଉମରକୋଟ,ଚନ୍ଦାହାଣ୍ଡି,ଝରିଗାଁ ଓ ଡାବୁଗାଁର କିଛି ଅଂଚଳରେ ଲୋକେ ଭୂକମ୍ପର ଝଟକା ଅନୁଭୂତ କରିଛନ୍ତି । ଡାବୁଗାଁ ଓ ଝରିଗାଁର କିଛି ଘରର କାନ୍ଥ ଫାଟିଯାଇଥିବା ଦେଖିବାକୁ ମିଳିଛି । ସେହିପରି କଳାହାଣ୍ଡିର ଅଧିକାଂଶ ଜାଗାରେ ଭୂକମ୍ପ ଅନୁଭୂତ ହୋଇଛି ।