କେନ୍ଦ୍ରାପଡାରେ ନିଖୋଜ ଶିଶୁର ମୃତଦେହ ଉଦ୍ଧାର

କେନ୍ଦ୍ରାପଡା: ଦୁଇ ଦିନ ଧରି ନିଖୋଜ ଥିବା ୭ ବର୍ଷୀୟା ଜଣେ ଶିଶୁ କନ୍ୟାଙ୍କ ମୃତଦେହ ଶୁକ୍ରବାର ରାଜନଗର ଅଞ୍ଚଳର ବଢିନାକୋଲ୍ହା ଗାଁ ନିକଟସ୍ଥ ଏକ କେନାଲରୁ ଉଦ୍ଧାର କରାଯାଇଛି। ମୃତକା ଶୁଭଲକ୍ଷ୍ମୀ, କାଳନ୍ଦୀ ଚରଣ ନାୟକଙ୍କ କନ୍ୟା ବୋଲି ଚିହ୍ନଟ ହୋଇଛନ୍ତି। କୀର୍ତ୍ତନ କାର୍ଯ୍ୟକ୍ରମ ସମୟରେ ସେ ହଠାତ୍ ନିଖୋଜ ହୋଇଯାଇଥିଲେ। ପରେ ତାଙ୍କ ମା’ ପୋଲିସରେ ଅଭିଯୋଗ କରିଥିଲେ। ଖୋଜାଖୋଜି ସମୟରେ କେନାଲ ପାଖରେ ରକ୍ତର ଚିହ୍ନ ମିଳିଥିବାବେଳେ ପରବର୍ତ୍ତୀ ଦିନ ସକାଳେ ବ୍ରାହ୍ମଣୀ ନଦୀ ସଂଯୁକ୍ତ କେନାଲରୁ ମୃତଦେହ ଭାସୁଥିବା ଅବସ୍ଥାରେ ମିଳିଥିଲା। ଅଗ୍ନିଶମ ଓ ପୋଲିସ ଦଳ ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛନ୍ତି। ଘଟଣାକୁ ନେଇ ପୋଲିସ ମାମଲା ରୁଜୁ କରି ତଦନ୍ତ ଜାରି ରଖିଛି।