୨ ହଜାର ଲେଖାଏଁ ୯.୪୨ଲକ୍ଷଙ୍କୁ ଦେଲେ େମାଦୀ
ନବୀନ କହିଲେ ଦ୍ବିତୀୟ କିସ୍ତି ଟଙ୍କା ଏପ୍ରିଲ ପହିଲାରେ
ଭୁବନେଶ୍ବର: ଚାଷୀଙ୍କ ଚିନ୍ତା ଘାରିଛି ଉଭୟ େକନ୍ଦ୍ର ଓ ରାଜ୍ୟ ସରକାରଙ୍କୁ। ଆଜି େଗାଟିଏ ପଟେ ପ୍ରଧାନମନ୍ତ୍ରୀ ନରେନ୍ଦ୍ର େମାଦୀ ଉତ୍ତର ପ୍ରଦେଶର ଗୋରଖପୁରଠାରେ ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି ଯୋଜନାକୁ ଆନୁଷ୍ଠାନିକଭାବେ ଉଦ୍ଘାଟନ କରିଛନ୍ତି। କୋଟିଏରୁ ଅଧିକ କୃଷକଙ୍କ ବ୍ୟାଙ୍କ ଖାତାକୁ ଆଜି ଏହି ଯୋଜନାର ପ୍ରଥମ କିସ୍ତି ଅର୍ଥ ବାବଦରେ ୨ ହଜାର ଟଙ୍କା ଲେଖାଏଁ ଜମା କରାଯାଇଛି। ଓଡ଼ିଶାରୁ ୯ ଲକ୍ଷ ୪୨ ହଜାର ଚାଷୀ ଉପକୃତ ହେବେ।
ଏପଟେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ େଢଙ୍କାନାଳ-ଅନୁଗୁଳ ଚାଷୀଙ୍କୁ ଏକାଠି କରି ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମକୁ ପରୋକ୍ଷରେ ଚ୍ୟାଲେଞ୍ଜ କରିଛନ୍ତି। େକନ୍ଦ୍ର ସରକାର ପ୍ରଥମ କିସ୍ତି େଦବାକୁ ସଜବାଜ େହଉଥିବା ବେଳେ ଆଜି ନବୀନ ଦ୍ବିତୀୟ କିସ୍ତି ସଂପର୍କରେ େଘାଷଣା କରିଛନ୍ତି। ଅନୁଗୁଳର ଜଣେ ଚାଷୀଙ୍କ ଅନୁେରାଧକୁ ତତ୍କାଳ ରକ୍ଷା କରି ଆଜି ମୁଖ୍ୟମନ୍ତ୍ରୀ କାଳିଆ େଯାଜନାର ଦ୍ବିତୀୟ କିସ୍ତି ଆସନ୍ତା ଏପ୍ରିଲ ପହିଲାରେ ଦିଆଯିବ େବାଲି େଘାଷଣା କରିଛନ୍ତି। ଜଣାଇଛନ୍ତି ପ୍ରଥମ କିସ୍ତିରେ ୩୦ଲକ୍ଷରୁ ଅଧିକ ଚାଷୀଙ୍କୁ ସହାୟତା ଦିଆସରିଛି।
ଏଥିସହିତ ଚାଷୀ ସହାୟତାକୁ େନଇ େକନ୍ଦ୍ର-ରାଜ୍ୟ ମଧ୍ୟରେ ବାକ୍ ଯୁଦ୍ଧ ଆରମ୍ଭ େହାଇଛି। ଆଜି ମୁଖ୍ୟମନ୍ତ୍ରୀ େଢଙ୍କାନାଳରେ କହିଛନ୍ତି, କାଳିଆ େଯାଜନା ରାଜ୍ୟର କୃଷି ଅର୍ଥନୀତିକୁ ମଜବୁତ କରିବ ଓ ଚାଷୀ ପରିବାରର ଭବିଷ୍ୟତ ଉଜ୍ଜ୍ବଳ କରିବ। ଏହି େଯାଜନାରେ ରାଜ୍ୟର ୯୨ ପ୍ରତିଶତ ଚାଷୀ ଉପକାର ପାଉଥିବା ବେଳେ େକନ୍ଦ୍ର ସରକାରଙ୍କ େଯାଜନାରେ ଭାଗଚାଷୀ, ଭୂମିହୀନ ଚାଷୀ ଓ କୃଷି ଶ୍ରମିକଙ୍କୁ ସାମିଲ କରାଯାଇନାହିଁ। େକନ୍ଦ୍ରୀୟ େଯାଜନାରେ ଚାଷୀଙ୍କୁ ୬ହଜାର ପରିବର୍ତେ ୧୦ ହଜାର ଟଙ୍କା ସହାୟତା େଦବା ପାଇଁ ମୁଖ୍ୟମନ୍ତ୍ରୀ ଦାବି କରିଥିଲେ।
ଏପଟେ କେନ୍ଦ୍ର କୃଷି ରାଷ୍ଟ୍ରମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ୍ ଭୁବନେଶ୍ବରରେ ରାଜ୍ୟ ସରକାରଙ୍କୁ କଡ଼ା ସମାେଲାଚନା କରିଛନ୍ତି। କହିଛନ୍ତି, ଓଡ଼ିଶା ସରକାର ମନ୍ଥର ଗତିରେ କେନ୍ଦ୍ରର ଏହି ଯୋଜନାକୁ ଲାଗୁ କରାଉଛନ୍ତି। ମାତ୍ର ୧୦ ଲକ୍ଷ ଚାଷୀଙ୍କ ତାଲିକା ଦେଇଛନ୍ତି। ରାଜ୍ୟ ସରକାରଙ୍କ କାଳିଆ ଯୋଜନାର ଭବିଷ୍ୟତ ନାହିଁ। କାରଣ ଏଥିପାଇଁ ବଜେଟ୍ରେ ଅର୍ଥ ବ୍ୟବସ୍ଥା େହାଇନାହିଁ। େକନ୍ଦ୍ର କିନ୍ତୁ ନିଜ େଯାଜନା ପାଇଁ ୭୫ ହଜାର କୋଟି ଟଙ୍କାର ବଜେଟ୍ ପ୍ରସ୍ତୁତ କରିଛନ୍ତି।