ଅଶୁଭ ସଙ୍କେତ: ଶ୍ରୀଜଗନ୍ନାଥଙ୍କ ନୀଳଚକ୍ରରୁ ଉଡିଗଲା ବାନା

ଭୁବନେଶ୍ୱର: ଭୀଷଣରୁ ଅତି ଭୀଷଣ ରୂପ ନେଇ ପୁରୀ ଆଡକୁ ବାତ୍ୟା ଫନି ମାଡି ଆସୁଥିବା ବେଳେ ଆଜି ଶ୍ରୀମନ୍ଦିରରୁ ନୀଳଚକ୍ରରୁ ବାନା ଉଡିଯିବା ଘଟଣା ଶ୍ରୀଜଗନ୍ନାଥ ପ୍ରେମୀଙ୍କୁ ଆଘାତ ଦେଇଛି । ଏହାକୁ ଅଶୁଭ ସଙ୍କେତ ବୋଲି ବୁଦ୍ଧିଜୀବୀ ଓ ଶ୍ରୀଜଗନ୍ନାଥ ପ୍ରେମୀ ବିଚାର କରୁଛନ୍ତି ।
ପୂର୍ବରୁ ଶ୍ରୀମନ୍ଦିର ପ୍ରଶାସନ ନୀଳଚକ୍ର ପ୍ରତି ବିପଦ ଥିବା କଥା କହି ମାତ୍ର ୫ହାତର ବାନା ବାନ୍ଧିବା ଲାଗି ନିର୍ଦେଶ ଦେଇଥିଲା । ହେଲେ ସାମାନ୍ୟ ପବନ ବହିବା ଆଜି ଆରମ୍ଭ ହୋଇଥିବା ବେଳେ ଶ୍ରୀମନ୍ଦିରରୁ ବାନା ଉଡିଯିବା ବଡ଼ ବିପର୍ଯ୍ୟୟ ସଂପର୍କରେ ସୂଚନା ଦେଉଥିବା ଶ୍ରୀଜଗନ୍ନାଥ ଗବେଷକମାନେ ମତ ରଖିଛନ୍ତି ।