କେଉଁ ସ୍ୱାର୍ଥରେ ସଂପର୍କ ଯୋଡିଲେ ରାଜ୍ୟ-କେନ୍ଦ୍ର
ମହାନଦୀ ତଥ୍ୟ ଦେଉନାହାନ୍ତି ଛତିଶଗଡ ସରକାର
ମୂଲ୍ୟାୟନକାରୀ ନିଯୁକ୍ତି କରିିବେ ଟ୍ରିବ୍ୟୁନାଲ
ପରବର୍ତୀ ଶୁଣାଣି ଅଗଷ୍ଟ ୩କୁ ଘୁଞ୍ଚିଲା
ଅସନ୍ତୋଷ ଜଣାଇଲେ ମହାନଦୀ ବଞ୍ଚାଅ ଆନ୍ଦୋଳନ
ଭୁବନେଶ୍ୱର: ଇତିମଧ୍ୟରେ ବିଜେଡି-ବିଜେପି ସଂପର୍କରେ ସୁଧାର ଆସିଛି । ପୂର୍ବ ଭଳି କଥା କଥାରେ ଉଭୟ ଦଳ ଓ କେନ୍ଦ୍୍ର ଏବଂ ରାଜ୍ୟ ସରକାର ତୁ ତୁ ମେ ମେ ନ ହୋଇ ଉଭୟ ବିକାଶ ପାଇଁ କାର୍ଯ୍ୟ କରିବେ ବୋଲି ସଙ୍କେତ ଦେଇସାରିଲେଣି । ହେଲେ ଓଡ଼ିଶାର ୧୬ଟି ଜିଲ୍ଲାର ସ୍ୱାର୍ଥ ସହିତ ଜଡିତ ମହାନଦୀର ଭାଗ୍ୟ ପରିବର୍ତନ ନେଇ କୌଣସି ଆଭାସ ମିଳୁନାହିଁ । କେନ୍ଦ୍ର ସରକାର ମହାନଦୀ ପ୍ରସଙ୍ଗରେ ହସ୍ତକ୍ଷେପ କରିବା ଭଳି କୌଣସି ସଙ୍କେତ ଦେଇନାହାନ୍ତି । ଏପରିକି ଛତିଶଗଡରେ ଇତିମଧ୍ୟରେ ସରକାର ପରିବର୍ତନ ହୋଇସାରିଥିଲେ ହେଁ, ପ୍ରକଳ୍ପ ବନ୍ଦ କରିବା ଲାଗି କେନ୍ଦ୍ର ସରକାର ଏଯାଏ ନିଜ ଆଡୁ ଟ୍ରିବ୍ୟୁନାଲ ସାମ୍ନାରେ ଦାବି ରଖିନାହାନ୍ତି । ରାଜ୍ୟ ସରକାର କେଉଁ ସ୍ୱାର୍ଥ ପ୍ରସଙ୍ଗରେ କେନ୍ଦ୍ର ସହିତ ବିକାଶର ସଂପର୍କ ଯୋଡୁଛନ୍ତି, ତାହା ମଧ୍ୟ ଅବୁଝା ରହିଛି ।
ଅନ୍ୟପକ୍ଷରେ ଯାହା ରାଜ୍ୟବାସୀ ଆଶଙ୍କା କରୁଥିଲେ, ତାହା ଏବେ ହେବାକୁ ଯାଉଛି । ଟ୍ରିବ୍ୟୁନାଲ ମଧ୍ୟ ଓଡ଼ିଶାକୁ ତୁରନ୍ତ ନ୍ୟାୟ ଦେବା ମାନସିକତାରେ ନାହାନ୍ତି । ଆଜି ଏ ସଂକ୍ରାନ୍ତ ଶୁଣାଣିରେ ଅଗଷ୍ଟ ୩ ତାରିଖକୁ ଘୁଞ୍ଚିଛି । ମହାନଦୀ ଜଳ ବିବାଦ ପ୍ରସଙ୍ଗରେ ଟ୍ରିବ୍ୟୁନାଲ ଦୁଇ ଜଣ ଆସେସର ବା ମୂଲ୍ୟାୟନକାରୀ ନିଯୁକ୍ତି ଦିଆଯିବ ବୋଲି କହିଛନ୍ତି । ଅନ୍ୟ ଜଣେ ପରବର୍ତୀ ଶୁଣାଣି ସମୟରେ ଏଠାରେ ସ୍ଥାନ ପାଇବେ ।
ଆଜି ଓଡ଼ିଶାର ଆଡଭୋକେଟ ଜେନେରାଲ ଅଶୋକ ପରିିଜା ଟ୍ରିବୁ୍ୟନାଲରେ ଅଭିଯାଗ କରିଥିଲେ ଯେ ଛତିଶଗଡ ସରକାର ସହଯୋଗ କରୁନାହାନ୍ତି । ଏପରିକି ଆବଶ୍ୟକ କାଗଜପତ୍ର ମଧ୍ୟ ଦେଉନାହାନ୍ତି । ଟ୍ରିବ୍ୟୁନାଲ ଏହାକୁ ଗୁରୁତର ସହ ଗ୍ରହଣ କରି ଏହି ମୂଲ୍ୟାୟନକାରୀଙ୍କୁ ନିଯୁକ୍ତି ଦେବା କଥା କହିଛନ୍ତି, ଯେଉଁମାନେ ଉଭୟ ରାଜ୍ୟ ମଧ୍ୟରେ ସମନ୍ୱୟ ରଖିବେ ।
ଆଜି ରାଜ୍ୟ ସରକାର ଛତିଶଗଡର ସତ୍ୟପାଠ ଉପରେ ଜବାବ ରଖିବା ଲାଗି ତିନି ସପ୍ତାହ ସମୟ ମାଗିଥିଲେ । ଟ୍ରିବ୍ୟୁନାଲ ଏ ନେଇ ଅନୁମତି ଦେଇଛନ୍ତି ।
ଏଠାରେ ଉଲ୍ଲେଖଥାଉକି, ମହାନଦୀ ବଞ୍ଚାଅ ଅାନ୍ଦୋଳନ ପକ୍ଷରୁ ଏହାକୁ କଡ଼ା ବିରୋଧ କରାଯାଇଛି । ଏହି ସଂଗଠନ କହିଛି, ଟ୍ରିବ୍ୟୁନାଲ ଗଠନକୁ ଇତିମଧ୍ୟରେ ୧୦ ମାସ ବିତିଲାଣି । ୬ଟି ଶୁଣାଣି ସରିଲାଣି । ଏଥିରେ ଓଡ଼ିଶା ପାଇଁ ଆଶ୍ୱସ୍ତି ଆଣିବା ଭଳି କିଛି ବି ଘଟିନାହିଁ । ଛତିଶଗଡ ସରକାରଙ୍କ ନିର୍ମାଣାଧୀନ ପ୍ରକଳ୍ପ ସ୍ଥଗିତ ରଖିବା ନେଇ କୌଣସି ପଦକ୍ଷେପ ନିଆଗଲାନାହିଁ । ମହାନଦୀ ବଞ୍ଚାଅ ଆନ୍ଦୋଳନର ଆବାହକ ସୁଦର୍ଶନ ଦାସ, ବିଜୟ ପ୍ରଧାନ, ନିରଦ ଚରଣ ଖୁଣ୍ଟିଆ, ପ୍ରଶନ୍ନ ବିଶୋଇ, ସବିର ବµ, ଦେବେନ୍ଦ୍ର ସୂତାର, ବିକାଶ ଦାସ, ମନ୍ମଥ ପରିଡା ପ୍ରମୁଖ ମାମଲାର ତ୍ୱରିତ ଶୁଣାଣି ଓ ନ୍ୟାୟ ପାଇଁ ଏକ ପ୍ରେସ ବିବୃତିରେ ଦାବି ଜଣାଇଛନ୍ତି ।