ପ୍ରମୁଖ ଖବର

ସାତ ବର୍ଷ ପରେ ପୁଣି ହକି ଇଣ୍ଡିଆ ଲିଗ୍‌: ଡିସେମ୍ବର ୨୭ରୁ ଟୁର୍ଣ୍ଣାମେଣ୍ଟ ଆରମ୍ଭ, ଓଡ଼ିଶାର ଟିମ୍‌ ଖେଳିବ ମ୍ୟାଚ୍‌
ସୁପ୍ରିମକୋର୍ଟରୁ ଜାମିନ ମିଳିଲା ପରେ ମଧ୍ୟ ଜେଲରୁ ବାହାରି ପାରିବେନି କେଜ୍ରିୱାଲ
ଆସ୍ଥା ଭୋଟ୍ ହାରିଲେ ନେପାଳ ପ୍ରଧାନମନ୍ତ୍ରୀ ପ୍ରଚଣ୍ଡ
ରଥ ଉପରକୁ ମୋବାଇଲ ମନା; ନିୟମ ଭାଙ୍ଗିଲେ ହେବ କଡା କାର୍ଯ୍ୟାନୁଷ୍ଠାନ
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ନିଯୁକ୍ତ ହେଲେ ଅରବିନ୍ଦ ପାଢ଼ୀ
ଫୁଟବଲ ଆସୋସିଏଶନ ଅଫ ଓଡ଼ିଶାର ସଭାପତି ହେଲେ ସମୀର ଦେ
ରାଜଭବନ କର୍ମଚାରୀଙ୍କୁ ମାଡମାରିଲେ ରାଜ୍ୟପାଳ ରଘୁବର ଦାସଙ୍କ ପୁଅ
ଭୁବନେଶ୍ୱର ସପ୍ତମ ବାଟାଲିୟନ କ୍ୟାମ୍ପସରୁ ଜଣେ ଯବାନଙ୍କ ଝୁଲନ୍ତା ମୃତଦେହ ଜବତ

ବିଧାୟକଙ୍କ ଭଳି ସାଂସଦ ବି ରହୁନାହାନ୍ତି ସଂସଦରେ

0
  • ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉପସ୍ଥାନ ପାଇଁ କହିଥିଲେ
  • ପ୍ରଧାନମନ୍ତ୍ରୀଙ୍କ କ୍ଷୋଭ ସଂପର୍କରେ ଜଣାଇଲେ ରାଜନାଥ

ଭୁବନେଶ୍ବର: ଗୃହରେ ବିଧାୟକମାନଙ୍କ ଅନୁପସ୍ଥିତି େନଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ନିକଟରେ ବିଜେଡି ବିଧାୟକମାନଙ୍କ ପାଇଁ ଉପସ୍ଥାନ ଖାତା ବ୍ୟବସ୍ଥା କରାଯାଇଥିଲା। ଏହା ସତ୍ତ୍ବେ ବିଧାନସଭା ଉପରେ ବିଶେଷ ପ୍ରଭାବ ପଡିଲା ନାହିଁ।

ଠିକ୍ ଏମିତି ସମୟରେ ସଂସଦରେ ମଧ୍ୟ ଅନୁରୂପ ଚିତ୍ର ଦେଖିବାକୁ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର େମାଦୀ ଏହାକୁ ନେଇ କେବଳ ଚିନ୍ତିତ ନୁହେଁ, ଅତ୍ୟନ୍ତ ବିରକ୍ତ ବୋଲି ଆଜି ଜଣାପଡିଛି। ବିଜେପି ସାଂସଦମାନେ ସଂସଦ ଅଧିବେଶନ ଚାଲିଥିବା ବେଳେ ଗୃହରେ କ୍ରମାଗତ ଭାବେ ଅନୁପସ୍ଥିତ ରହିବା ଘଟଣାରେ ସେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ‌ଗୃହରେ ଅନୁପସ୍ଥିତ ନ ରହିବାପାଇଁ ମୋଦୀ ସାଂସଦମାନଙ୍କୁ ବାରମ୍ବାର ଚେତାବନୀ ଦେଇଥିଲେ ମଧ୍ୟ ଅନେକ ସାଂସଦ ଏହାକୁ ଅତି ହାଲୁକା ଭାବେ ନେଇଛନ୍ତି। ତେବେ ଆଗକୁ ସଂସଦରେ ବିଭିନ୍ନ ଗୁରୁତ୍ବପୂର୍ଣ୍ଣ ବିଲ୍‌ ଆସିବାକୁ ଥିବାରୁ ସମସ୍ତ ବିଜେପି ସାଂସଦ ଗୃହ‌ରେ ଉପସ୍ଥିତ ରହିବା ପାଇଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଆଜି ବିଜେପି ସଂସଦୀୟ ଦଳର ସପ୍ତାହିକ ବୈଠକରେ କହିଛନ୍ତି।

ପ୍ରଧାନମନ୍ତ୍ରୀଙ୍କ ମନର ଭାଷା ଆଜି େକନ୍ଦ୍ରମନ୍ତ୍ରୀ ରାଜନାଥ ସାଂସଦଙ୍କୁ ଜଣାଇ ଦେଇଥିଲେ। ଅତ୍ୟନ୍ତ କଠୋରତା ସହିତ କହିଥିଲେ, ପ୍ରଧାନମନ୍ତ୍ରୀଙ୍କ ଅନୁରୋଧ ପରେ ବି ସାଂସଦମାନେ ଗୃହରେ ଅନୁପସ୍ଥିତ ରହୁଛନ୍ତି। ଏହାକୁ ନେଇ ପ୍ରଧାନମନ୍ତ୍ରୀ ଭୀଷଣ କ୍ଷୁବ୍ଧ ଅଛନ୍ତି। ଏଥିରେ ସୁଧାର ଆଣିବା ଲାଗି ସେ ପ୍ରବର୍ତାଇଥିଲେ। ରାଜନାଥ ଆହୁରି କହିଥିଲେ ଯେ ଗୃହରେ ସାଂସଦମାନେ ବିରୋଧୀ ଦଳକୁ ଜବାବ ଦେବାକୁ ଯାଇ କଂଗ୍ରେସ ଭଳି ଆଚରଣ ପ୍ରଦର୍ଶନରୁ ନିବୃତ୍ତ ରହିବା ଆବଶ୍ୟକ। ଏହା ଆଦୌ ଶୋଭନୀୟ ନୁହେଁ। କେବଳ ରାଜନାଥ ନୁହେଁ, ସଂସଦୀୟ ବ୍ୟାପାର ମନ୍ତ୍ରୀ ମଧ୍ୟ ସମସ୍ତ ସାଂସଦମାନଙ୍କୁ ଗୃହକାର୍ଯ୍ୟରେ ଭାଗ ନେବାପାଇଁ ଅନୁରୋଧ କରିଥିଲେ।

Leave A Reply

Your email address will not be published.