ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ଲକ୍ଷ୍ମୀଛଡା ବନ ଓ ପରିବହନ ବିଭାଗ!

0
  • ଟ୍ରକ୍ ଚକା ତଳେ ଗଲା ଗଜରାଜର ଜୀବନ
  • ଆଉ ଗୋଟିଏ ହାତୀର ଦାନ୍ତ ଭାଙ୍ଗିଯାଇଛି
  • ଢେଙ୍କାନାଳରେ ଘଟିଛି ଏମିତି ଏକ ଦୁର୍ଘଟଣା

ଭୁବନେଶ୍ବର: ରାସ୍ତା କଡରେ ବଡ ବଡ ଅକ୍ଷରରେ ଲେଖାଥିଲା ଯେ ଏହା ହାତୀ ଚଳାଚଳ ରାସ୍ତା। ଦ୍ରୁତଗତିରେ ଗାଡି ଚଲାନ୍ତୁ ନାହିଁ। ମାତ୍ର ଏହାର କିଛି ବି ପ୍ରଭାବ ପଡିଲାନି। ଗୋଟିଏ ଟ୍ରକ୍ ଅତି ଦ୍ରୁତବେଗରେ ଆସି ଦଳିଦେଲା ସେହି ବାଟ ଦେଇ ଯାଉଥିବା ହାତୀକୁ। ଘଟଣାସ୍ଥଳରେ ଗୋଟିଏ ହାତୀର ମୃତ୍ୟୁ ହୋଇଛି। ଆଉ ଗୋଟିଏ ହାତୀର ଦାନ୍ତଟି ଖଣ୍ଡେ ଭାଙ୍ଗିଯାଇ ନିକଟରେ ପଡିଛି।

ଆଜି ଭୋରରୁ ଢେଙ୍କାନାଳ ଜିଲ୍ଲା ଏନ୍ଏଚ୍-୫୫ର ସଦର ରେଞ୍ଜ୍ ଜୀବନଖୋଲ ନିକଟରେ ଏଭଳି ଏକ ଦୁର୍ଘଟଣା ଘଟିଛି। ସବୁଠାରୁ ବଡ କଥା ହେଲା, ବିଶାଳ ହାତୀଟି ମୋଡି ମକଚି ହୋଇ ରହିଯାଇଛି ଟ୍ରକ୍ ତଳେ। ଏହା ହିଁ ସୂଚାଇ ଦେଇଛି ଯେ ଟ୍ରକଟି କେତେ ଦ୍ରୁତ ବେଗରେ ଥିଲା। ଦୁର୍ଘଟଣା ଘଟାଇଥିବା ଟ୍ରକ୍ ଡ୍ରାଇଭର ସେ ସ୍ଥାନ ଛାଡି ଚମ୍ପଟ ମାରିଛି।

ଅନ୍ୟପଟରେ ପ୍ରାଣ ହରାଇଥିବା ହାତୀଟି କିଛି ସମୟ ଗର୍ଜନ ତର୍ଜନ କରିବା ପରେ ତାର ପ୍ରାଣବାୟୁ ଉଡିଯାଇଥିଲା। ଅନ୍ୟ ହାତୀଟି ମଧ୍ୟ ବେଶ୍ ଗର୍ଜନ କରିଥିବା ସ୍ଥାନୀୟ ଲୋକେ ଗଣମାଧ୍ୟମକୁ ସୂଚନା ଦେଇଛନ୍ତି। ହେଲେ ପରେ ଭୟଭୀତ ହୋଇ ଜଙ୍ଗଲ ଭିତରକୁ ଚାଲିଯାଇଥିଲା। ସେହି ହାତୀଟି କିଭଳି ରହିଛି, ଗୁରତର ଅବସ୍ଥାରେ କି ସାମାନ୍ୟ ଆଘାତ ଲାଗିଛି, ତାହା ଏଯାଏ ଜଣାପଡିନାହିଁ।

ହାତୀକୁ ଲକ୍ଷ୍ମୀଙ୍କ ବାହନ ବୋଲି କୁହାଯାଏ। ତାର ମୃ୍ତ୍ୟୁକୁ ଓଡ଼ିଶାରେ କେହି ଭଲ ଭାବରେ ଗ୍ରହଣ କରନ୍ତି ନାହିଁ। ଲକ୍ଷ୍ମୀଛଡା ହୋଇଯାଆନ୍ତି ବୋଲି ଗାଁ ଗଣ୍ଡଳିରେ ବୟସ୍କମାନେ ଚର୍ଚ୍ଚା କରିଥାନ୍ତି। ହେଲେ ହାତୀ ସୁରକ୍ଷା ପାଇଁ ବନ ବିଭାଗ କିମ୍ବା ପରିବହନ ବିଭାଗ ସେଭଳି ଯତ୍ନବାନ ନୁହଁନ୍ତି, ଯେଭଳି ହେବା କଥା।

ଆଜିର ଘଟଣା ପରିବେଶବିତ୍ ଓ ବନ୍ୟପ୍ରାଣୀ ବିଶେଷଜ୍ଞଙ୍କୁ ବେଶ୍ ବ୍ୟଥିତ କରିଛି। ଗତକାଲି ଗଞ୍ଜାମ ଜିଲ୍ଲାର ତପ୍ତପାଣି ନିକଟରେ ଏକ ସଡକ ଦୁର୍ଘଟଣାରେ ୮ ଜଣ ପ୍ରାଣ ହରାଇଥିବା ବେଳେ ଏହାର ୨୪ ଘଣ୍ଟା ନ ପୂରୁଣୁ ପୁଣି ସଡକ ଦୁର୍ଘଟଣାରେ ଗଜରାଜର ମୃତ୍ୟୁ ହେବା କେଉଁଠି ନା କେଉଁଠି ସୂଚାଇ ଦେଉଛି ଯେ ସଡକ ସୁରକ୍ଷା ବ୍ୟବସ୍ଥା ହୁଗୁଳି ଯାଇଛି। ସେହିଭଳି ତୁଚ୍ଛାଟାରେ ହାତୀ ମୃତ୍ୟୁ ଘଟଣା ବନ ବିଭାଗର କାର୍ଯ୍ୟ ଉପରେ ମଧ୍ୟ ପ୍ରଶ୍ନ ଚିହ୍ନ ଆଙ୍କିଲାଣି।

Leave A Reply

Your email address will not be published.