ପ୍ରମୁଖ ଖବର

ବର୍ଷକୁ ୨ ଥର ହେବ ସିବିଏସଇ ଦଶମ ପରୀକ୍ଷା
ଡାଇରିଆ କଟକଣା ପରେ ଆଜିଠୁ ଯାଜପୁରରେ ଖୋଲିଲା ସ୍କୁଲ
ରାଜସ୍ୱ ସେବା ପାଇଁ ଇ-ରେଜିଷ୍ଟ୍ରେସନ ଆପ୍‌ ଉନ୍ମୋଚନ କଲେ ମୁଖ୍ୟମନ୍ତ୍ରୀ
ବାହାଘର ଦିନକ ପୂର୍ବରୁ ଦୁର୍ଘଟଣାରେ ଚାଲିଗଲା ବରର ଜୀବନ
ବରିଷ୍ଠ ଅଭିନେତା ତଥା ନିର୍ଦ୍ଦେଶକ ନାରାୟଣ ପତିଙ୍କ ପରଲୋକ
ବାସହୀନଙ୍କୁ ଚିହ୍ନଟ କରିବାକୁ ସରକାରଙ୍କ ପକ୍ଷରୁ ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ
ଲଞ୍ଚ ହେଲା ଆକ୍ସିଅମ-୪: ମହାକାଶ ଅଭିମୁଖେ ଶୁଭାଂଶୁ

ନୂଆଦିଲ୍ଲୀକୁ ଚାଷୀ ତାତି ଫେରିବ!

0

ନୂଆଦିଲ୍ଲୀ: ଦେଶରେ ଚାଷୀ ଆନ୍ଦୋଳନ ପୁଣି ଥର ଜୋରଦାର ହେବ। ସେ ନେଇ ଚାଷୀନେତାମାନେ ମାନସ ମନ୍ଥନ କରିବା ପରେ ଦୃଢ଼ ପଦକ୍ଷେପ ନେହା ଲାଗି ମନସ୍ଥିର କରିଛନ୍ତି। ମିଳୁଥିବା ସୂଚନା ଅନୁସାରେ, ସଂସଦର ମୌସୁମୀ ଅଧିବେଶନ ଆରମ୍ଭ ପୂର୍ବରୁ କୃଷକମାନେ ସଂସଦ ଘେରିବା ଲାଗି ପୁଣି ପ୍ରସ୍ତୁତି ଚଳାଇଲେଣି। ଆସନ୍ତା ୨୨ ତାରିଖରୁ ସେମାନେ ଅଧିବେଶନ ସରିବା ପର୍ଯ୍ୟନ୍ତ ସବୁଦିନ ସଂସଦ ଘେରାଉ କରିବେ।

ଏହା ପୂର୍ବରୁ ଜୁଲାଇ ୮ ତାରିଖରେ ପେଟ୍ରୋଲ ଓ ଡିଜେଲ ଦର ବୃଦ୍ଧି ନେଇ ଚାଷୀ ସଂଗଠନ ପକ୍ଷରୁ ଦେଶବ୍ୟାପୀ ସକାଳ ୧୦ଟାରୁ ୧୨ ଯାଏ ଆନ୍ଦୋଳନ କରାଯିବ। ଜାତୀୟ ଓ ରାଜ୍ୟ ରାଜପଥରେ ସେମାନେ ବିକ୍ଷୋଭ କରିବେ, ହେଲେ ଗାଡି ଚଳାଚ​ଳକୁ ବନ୍ଦ କରିବେ ନାହିଁ। ତା ପୂର୍ବରୁ ସେମାନଙ୍କ ଦାବିକୁ ଅଧିକ ଦୃଢ଼ ଭାବେ ସଂସଦରେ ଉପସ୍ଥାପନ ଲାଗି ୧୭ ତାରିଖରେ ବିରୋଧୀ ଦଳ ମାନଙ୍କୁ ଚିଠି ଲେଖିବେ ବୋଲି ଖବର ଆସିଛି। ଏ ସଂକ୍ରାନ୍ତରେ ଏକ ବିସ୍ତୃତ ଆକ୍ସନ ପ୍ଲାନ୍ ପ୍ରସ୍ତୁତ ହୋଇଛି।

କୃଷକ ସଂଗଠନର ନେତାମାନେ ଦିଲ୍ଲୀରେ ଡେରା ପକାଇ ରହିବେ। ବିଶେଷକରି ସେମାନେ ଦାବି ରଖିବେ ଯେ ସାଂସଦମାନେ କୃଷି ଆଇନ ବିରୋଧରେ ସ୍ବର ଉଠାନ୍ତୁ ନ ହେଲେ ଇସ୍ତଫା ଦେଇ ଚାଲି ଆସନ୍ତୁ। ସାଂସଦମାନେ କେନ୍ଦ୍ର ସରକାରଙ୍କ ଉପରେ ଜବରଦସ୍ତ ଚାପ ପକାଇବା ଲାଗି ମଧ୍ୟ ସେମାନେ ଅନୁରୋଧ କରିବେ ବୋଲି ସୂଚନା ମିଳୁଛି।

Leave A Reply

Your email address will not be published.