ପ୍ରମୁଖ ଖବର

ସବସିଡି ଦରରେ ଚାଉଳ ଗହମ ଚିନି ପାଇବେ ମଧ୍ୟବିତ୍ତ: ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର
କୁନିକୁନି ପିଲାଙ୍କୁ ଖଡ଼ି ଛୁଆଁଇ ବ୍ରହ୍ମାବିଷ୍ଣୁ ଲେଖାଇଲେ ମୁଖ୍ୟମନ୍ତ୍ରୀ
ପୁଣି ଏକ ଟ୍ରେନ୍ ଦୁର୍ଘଟଣା: ନାନ୍ଦେଡ-ସମ୍ବଲପୁର ଏକ୍ସପ୍ରେସ୍ ଲାଇନଚ୍ୟୁତ

କେମିତି କରୁଥିଲେ ଏଟିଏମରୁ ଲୁଟ୍, ଡେମୋ ଦେଖାଇଲେ

0

ଭୁବନେଶ୍ବର: ପୁରୁଣା ଏଟିଏମକୁ ଟାର୍ଗେଟ କରୁଥିଲେ। ଆଉ ଲୁଟ କରି ଚମ୍ପଟ ମାରୁଥିଲେ। ଭୁବନେଶ୍ୱର ବଢେଇବାଙ୍କ ଏସ୍‌ବିଆଇ ଏଟିଏମ ଲୁଟ ଘଟଣାରେ ପୁଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ଆଜି ଅଭିଯୁକ୍ତଙ୍କୁ ଘଟଣା ସ୍ଥଳକୁ ନେଇଥିଲା। ସ୍ପଟରେ ସେମାନେ କେମିତି ଉପାୟରେ ଲୁଟ କରିଥିଲେ ତାହା ଡେମୋ କରାଇଛି କମିସନରେଟ ପୁଲିସ।

ବଢେଇବାଙ୍କ ଏଟିଏମ ଲୁଟ ଘଟଣାରେ ପୁଲିସ ୩ ଜଣଙ୍କୁ ଗିରଫ କରିଛି। ସେମାନଙ୍କଠୁ ଏକ ଦାମୀ କାର ଓ ଟଙ୍କା ଜବତ କରାଯାଇଛି। ଏଟିଏମରେ ଏକ ସ୍ୱତନ୍ତ୍ର ଡିଭାଇସ ଲଗାଇ ଏମାନେ ଟଙ୍କା ଲୁଟି ନେଉଥିଲେ। ଡିଭାଇସ ଲଗାଇବାକୁ ଏମାନଙ୍କୁ ମାତ୍ର ୨ ରୁ ୩ ମିନିଟ ସମୟ ଲାଗୁଥିଲା । ଏହି ଡିଭାଇସ ଲଗାଇବା ପରେ ଏଟିଏମରୁ ଟଙ୍କା ଉଠାଇଲେ ଆଉ ଟଙ୍କା ବାହାରେନାହିଁ। ଗ୍ରାହକ ମାନେ ପଳାଇବା ପରେ ସେହିଟଙ୍କା ଏମାନେ ଡିଭାଇସ ଦ୍ୱାରା ବାହାରକୁ ବାହର କରନ୍ତି।

ତେବେ କଟକ, ପୁରୀ ଓ ଭୁବନେଶ୍ୱରର କିଛି ଏଟିଏମକୁ ଏମାନେ ଟାର୍ଗେଟ କରୁଥିଲେ । ଗତ ୬ ମାସ ମଧ୍ୟରେ ଏମାନେ ପ୍ରାୟ ୮ କୋଟି ଟଙ୍କା ଏଟିଏମରୁ ଲୁଟି ନେଇଥିବା ସୂଚନା ରହିଛି । ଗିରଫ ଅଭିଯୁକ୍ତମାନେ ଉତ୍ତରପ୍ରଦେଶର ବୋଲି ଜଣାପଡିଛି।। ଏମାନେ କେବଳ ଓଡିଶାରେ ନୁହେଁ ବିଭିନ୍ନ ରାଜ୍ୟରେ ଏଭଳି ଏଟିଏମରୁ ଲୁଟ କରୁଥିବା ଜଣାପଡିଛି ।

Leave A Reply

Your email address will not be published.