ପ୍ରମୁଖ ଖବର

ସବସିଡି ଦରରେ ଚାଉଳ ଗହମ ଚିନି ପାଇବେ ମଧ୍ୟବିତ୍ତ: ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର
କୁନିକୁନି ପିଲାଙ୍କୁ ଖଡ଼ି ଛୁଆଁଇ ବ୍ରହ୍ମାବିଷ୍ଣୁ ଲେଖାଇଲେ ମୁଖ୍ୟମନ୍ତ୍ରୀ
ପୁଣି ଏକ ଟ୍ରେନ୍ ଦୁର୍ଘଟଣା: ନାନ୍ଦେଡ-ସମ୍ବଲପୁର ଏକ୍ସପ୍ରେସ୍ ଲାଇନଚ୍ୟୁତ

ବିପଦ ଆଣିବ କି ନୂଆ ଭ୍ୟାରିଆଣ୍ଟ!

0

ଭୁବନେଶ୍ବର: କରୋନାର ନୂଆ ରୂପ ବିଶ୍ୱ ପାଇଁ ବିପଦ ଆଣିପାରେ। ନୂଆ ଭ୍ୟାରିଆଣ୍ଟ ଆଣିବ କି ତୃତୀୟ ଲହର ? ନ୍ୟୁ ଭ୍ୟାରିଆଣ୍ଟ ସି.୧.୨ ପରେ ‘ମ୍ୟୁ’କୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ଚିନ୍ତା ପ୍ରକଟ କରିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କୁହାଯାଇଛି ଯେ, ନୂଆ ଭୂତାଣୁ ‘ମ୍ୟୁ’ ଉପରେ ଏବେ ନଜର ରହିଛି । ଏହି ନୂଆ ଭାଇରସ ଟିକାର ପ୍ରତିରୋଧକ ଶକ୍ତି ଭାଙ୍ଗିପାରେ।

କଲମ୍ବିଆରେ ଜାନୁଆରି ୨୦୨୧ରେ ପ୍ରଥମେ ଏହି ଭାଇରସ ଚିହ୍ନଟ ହୋଇଥିଲା । ଏବେ ଦକ୍ଷିଣ ଆମେରିକା ଓ ୟୁରୋପରେ ଏହା ମାଡ଼ି ଚାଲିଛି। ଏହି ନୁଆ ଭୂତାଣୁର ନାଁ ଦିଆଯାଇଛି ବି.୧.୬୨୧ । ଏହି ଭାଇରସ ଟିକାର ସୁରକ୍ଷା ବଳକୁ ଭେଦ କରି ସଂକ୍ରମିତ କରିପାରେ । ଏବେ ସୁଦ୍ଧା ଏହି ନୂଆ ଭୂତାଣୁ କଲମ୍ବିଆରେ ୪୯ ପ୍ରତିଶତ ଲୋକଙ୍କୁ ସଂକ୍ରମିତ କରିସାରିଛି । ଏବେ ଏହା ଦକ୍ଷିଣ ଆମେରିକାରେ ବ୍ୟାପିଯାଇଛି।

ସେପଟେ ନୂଆ ଭ୍ୟାରିଆଣ୍ଟ ସି.୧.୨ ମଧ୍ୟ ବିଶ୍ୱର ୮ଟି ଦେଶରେ ବ୍ୟାପିଗଲାଣି। ଚୀନ ସମତେ ୭ଟି ଦେଶରେ ବ୍ୟାପୁଛି ନୂଆ ଭ୍ୟାରିଆ । ଏହା ମଧ୍ୟ ଟିକାର ପ୍ରତିରୋଧକ ଶକ୍ତି ଭାଙ୍ଗିପାରେ।। ସି.୧.୨ ଭାଇରସ ପ୍ରଥମେ ଦକ୍ଷିଣ ଆଫ୍ରିକାରେ ମିଳିଥିଲା ଏହା ଡେଲଟା ଭାରିଆ ଠୁ ଅଧିକ ମାରାତ୍ମକ। ଏହା ଆଣ୍ଟିବଡିକୁ ଅଧିକ କ୍ଷତି ପହଞ୍ଚାଇବାରେ ସକ୍ଷମ । ଚୀନ,ଇଂଲଣ୍ଡ,କଙ୍ଗୋ,ପର୍ତ୍ତୁଗାଲ, ନ୍ୟୁଜିଲାଣ୍ଡ, ସୁଇଜରଲ୍ୟାଣ୍ଡରେ ବ୍ୟାପିଗଲାଣି ଏହି ଭାଇରସ । ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁସାରେ ଏବେ ୫ ପ୍ରକାର ଭ୍ୟାରିଆଣ୍ଟ୍ ଅଧିକ ଅନୁଧ୍ୟାନ ପାଇଁ ତାଲିକାଭୁକ୍ତ କରାଯାଇଛି।

କରୋନାର ଦ୍ୱିତୀୟ ଲହରର ପ୍ରଭାବ ଭାରତରେ କମିଥିବା ବେଳେ କେରଳରେ କିନ୍ତୁ କିଛି ଦିନ ହେବ ହଜାର ହଜାର ସଂଖ୍ୟାରେ ନୂଆ ମାମଲା ସାମ୍ନାକୁ ଆସୁଛି। ବିଶେଷଜ୍ଞମାନେ ସେପ୍ଟେମ୍ବର କି ଅକ୍ଟୋବରରେ ଦେଶରେ ତୃତୀୟ ଲହର ଆସିବା ନେଇ ଆକଳନ କରିଥିବା ବେଳେ ଏବେ ବିଭିନ୍ନ ଦେଶରେ ଦେଖାଇଥିବା ଏହି ନୂଆ ଭ୍ୟାରିଆଣ୍ଟ୍ ଚିନ୍ତା ବଢାଇଛି।

Leave A Reply

Your email address will not be published.