ଫଟୋ ଆଙ୍କି ଶୁଭେଚ୍ଛା ଜଣାଇଲେ ଓଡ଼ିଆ ଝିଅ
ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଜନ୍ମଦିନ । ୭୧ ବର୍ଷରେ ପହ ିଛନ୍ତି ମୋଦି । ଏହି ଅବସରରେ ଓଡିଶାର ଝିଅ ମୋଦିଙ୍କୁ ଏକ ଭିନ୍ନ ଉପହାର ଦେଇଛନ୍ତି । ୮ ଫୁଟ ଉଚ୍ଚ ଓ ୪ ଫୁଟ ଚଉଡାରେ ମୋଦିଙ୍କ ଏକ ପ୍ରତିକୃତି ତିଆରି କରିଛନ୍ତି ପ୍ରିୟଙ୍କା । ମୁଖ୍ୟ କଥା ହେଉଛି ଭୁବନେଶ୍ୱର ରହୁଥିବା ପ୍ରିୟଙ୍କା ସାହାଣୀ ବିଭନ୍ନ ଶଷ୍ୟରେ ଏହି ଫଟୋଟି ତିଆରି କରିଛନ୍ତି । ଭାରତ ଏକ କୃଷି ପ୍ରଧାନ ଦେଶ । ଆମେ ଶସ୍ୟକୁ ପୂଜା କରୁ । ତେଣୁ ମୋଦିଙ୍କ ପ୍ରତିକୃତି ତିଆରି ପାଇଁ ସେ ଶସ୍ୟକୁ ବାଛିଥିବା କହିଛନ୍ତି ।
ଚୂଡା,ଚାଉଳ,ହରଡ଼, ମୁଗ,ମସୁରରେ ମୋଦିଙ୍କର ୮ ଫୁଟ ଉଚ୍ଚର ଫଟୋ ତିଆରି କରି ଓଡିଶାବାସୀଙ୍କ ତରଫରୁ ମୋଦିଙ୍କୁ ଜନ୍ମଦିନର ଶୁଭେଚ୍ଚା ଜଣାଇଛନ୍ତି ପ୍ରିୟଙ୍କାା ଏହି ଚିତ୍ରରେ ଓଡିଶାର ସଂସ୍କୃତିକୁ ମଧ୍ୟ ଦର୍ଶାଇଛନ୍ତି ପ୍ରିୟଙ୍କା । ପ୍ରିୟଙ୍କା କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହେଉଛନ୍ତି ସାରା ବିଶ୍ୱର ଲୋକପ୍ରିୟ ନେତା । ଭାରତକୁ ବିଶ୍ୱର ଶକ୍ତିଶାଳୀ ଦେଶ ବନାଇବାକୁ ମୋଦିଙ୍କୁ ଜନ୍ମଦିନରେ ପ୍ରିୟଙ୍କା ନିବେଦନ କରିଥିବା କହିଛନ୍ତି ।ପ୍ଲାଏ ବୋର୍ଡ ଉପରେ ପ୍ରିୟଙ୍କା ତିଆରି କରିଥିବା ମୋଦିଙ୍କ ଏହି ଫଟୋରେ ଭାରତର ମାନଚିତ୍ର ମଧ୍ୟ କରାଯାଇଛି । ଏହାର ଅର୍ଥ ହେଉଛି, ମୋଦି ହେଉଛନ୍ତି ସମଗ୍ର ଭାରତବାସୀଙ୍କ ନେତା ଓ ପ୍ରତ୍ୟେକ ଭାରତୀୟଙ୍କ ପାଇଁ ତାଙ୍କ ହୃଦୟ ସ୍ପନ୍ଦିତ ହେଉଛି ।
ପ୍ରିୟଙ୍କା କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜମ୍ମୁ-କାଶ୍ମୀରରୁ ୩୭୦ ଧାରା ହଟାଇଲେ । ମହିଳାଙ୍କୁ ତିନି ତଲାଗରୁ ମୁକ୍ତ କରାଇଲେ । ଏଭଳି ଅନେକ ପଦକ୍ଷେପ ନେଇ ସେ ସମସ୍ତଙ୍କ ପାଇଁ ଉଦାହରଣ ପାଲଟିଯାଇଛନ୍ତି । ପ୍ରଧାନମନ୍ତ୍ରୀଙ୍କର ଏହି ପ୍ରତିକୃତି ତିଆରି କରିବାକୁ ମୋଦିଙ୍କୁ ଦୁଇ ଦିନ ସମୟ ଲାଗିଥିଲା ।