ବଲିଉଡ ଅଭିନେତା ସୋନୁ ସୁଦଙ୍କ ଘରେ ଆଜି ପୁଣି ପହଞ୍ଚିଛି ଆୟକର ବିଭାଗ । ଲଗାତର ୩ ଦିନ ହେବ ସୋନୁ ସୁଦଙ୍କ ଘରେ ଓ ଅନ୍ୟ ସ୍ଥାନରେ ଆୟକର ବିଭାଗ ଯାଞ୍ଚ କରୁଛି । ଆଜି ସୋନୁଙ୍କ ମୁମ୍ବାଇ ସ୍ଥିତ ବାସଭବନ ସମେତ ନାଗପୁର, ଜୟପୁରରେ ଆୟକର ବିଭାଗ ଟିମ ସର୍ଭେ ପାଇଁ ପହଞ୍ଚିଛନ୍ତି । କରୋନା କାଳରେ ରାତାରାତି ଷ୍ଟାର ପାଲଟିଥିବା ସୋନୁ ସୁଦଙ୍କ ବଢିପାରେ ଅଡୁଆ । ସୋନୁ ସୁଦଙ୍କ ଘରେ ଆୟକର ବିଭାଗ ପକ୍ଷରୁ କଣ ପାଇଁ ଯାଞ୍ଚ କରାଯାଉଛି ତାହା ସ୍ପଷ୍ଟ ହୋଇନାହିଁ । ବୁଧବାର ସୋନୁ ସୁଦଙ୍କ ସହ ଜଡିତ ୬ଟି ସ୍ଥାନରେ ସର୍ଚ୍ଚ ଅପରେସନ ହୋଇଥିଲା । ତେବେ ସୋନୁଙ୍କ ପକ୍ଷରୁ ଏଯାଏ ଏନେଇ କୌଣସି ପ୍ରତିକ୍ରିୟା ସାମ୍ନାକୁ ଆସିନାହିଁ । ସେପଟେ ଆମ ଆଦମୀ ପାର୍ଟି ଆୟକର ବିଭାଗର ଏହି ଯାଞ୍ଚକୁ ନିନ୍ଦା କରିବା ସହ ସୋନୁ ସୁଦଙ୍କୁ ସମର୍ଥନ କରିଛି ।
ସେହିପରି ଆୟକର ବିଭାଗ ଯେଉଁ କାରଣ ପାଇଁ ସୋନୁଙ୍କ ଘରେ ଯାଞ୍ଚ କରୁନା କାହିଁକି ସବୁବେଳେ ସୋନୁଙ୍କ ସହ ତାଙ୍କ ଶୁଭେଚ୍ଚୁ ଥିବା କହିଛନ୍ତି । ତେବେ ମିଳୁଥିବା ଖବର ଅନୁସାରେ ସୋନୁ ସୁଦଙ୍କ ଆୟ ଓ ଖର୍ଚ୍ଚ ବାବଦରେ ଆୟକର ବିଭାଗ ଯାଞ୍ଚ କରୁଥିବା ଜଣାପଡୁଛି । ଆୟକର ହେରଫେର ନେଇ ସୂଚନା ମିଳିଛି । ସୋନୁ ସୁଦଙ୍କ ଚ୍ୟାରିଟି ଫାଉଣ୍ଡେସନ ଆକାଉଣ୍ଟ ମଧ୍ୟ ଆଇଟି ଯାଞ୍ଚ କରିପାରେ ।
କରୋନା କାଳରେ ଲକଡାଉନ ସମୟରେ ସୋନୁ ସୁଦଙ୍କ ନୂଆ ଚେହେରା ଦେଖିବାକୁ ମିଳିଥିଲା । ପରଦାରେ ଆକ୍ସନ ଓ ଭିଲିଆନ୍ ରୋଲ କରୁଥିବା ସୋନୁ
ରିୟଲ ଲାଇଫରେ କରୋନା କାଳରେ ଲୋକଙ୍କ ଅସୁବିଧା ସମୟରେ ପାଖରେ ଛିଡାହୋଇଥିଲେ । କରୋନର ପ୍ରଥମ ଓ ଦ୍ୱିତୀୟ ଲହରରେ ସୋନୁ ସୁଦ ଯେପରି ପ୍ରବାସୀ ଶ୍ରମିକଙ୍କ ପାଖରେ ପହଞ୍ଚି ସହାୟତା କରିଥିଲେ ସାରା ଦେଶରୁ ତାଙ୍କୁ ପ୍ରଶଂସା ଛୁଟିଥିଲା । ଲୋକମାନେ ତାଙ୍କୁ ଭଗବାନ ବୋଲି ପୂଜା ବି କରୁଥିବାର ଦେଖିବାକୁ ମିଳିଥିଲା । ସୋନୁ ସୁଦଙ୍କ ରାତାରାତି ଲକ୍ଷ ଲକ୍ଷ ଫ୍ୟାନ ସଂଖ୍ୟା ବଢିଯାଇଥିଲେ । ଯୁଆଡେ ଯାଉଥିଲେ ସବୁଠି ଭିଡ ଜମୁଥିଲା । ଏବେ ବି ସୋନୁ ସୁଦ ସହାୟତା ମାଗୁଥିବା ଲୋକଙ୍କ ପାଖରେ ପହଞ୍ଚି ସାହାର୍ଯ୍ୟ କରୁଛନ୍ତି।