ଗତ ୨୪ ଘଣ୍ଟାରେ ୪୨୫ ଜଣ କରୋନା ପଜିଟିଭ
୦-୧୮ ବର୍ଷରେ ୭୧ ଜଣଙ୍କ ଠାରେ କରୋନା ଭୁତାଣୁ ଚିହ୍ନଟ
ମୋଟ ସକ୍ରିୟ ସଂକ୍ରମିତଙ୍କ ସଂଖ୍ୟ ୪୫୫୪ ରହିଛି
ରାଜ୍ୟର ବିଭିନ୍ନ ଜିଲ୍ଲାର ୩ ଜଣଙ୍କ ମୃତ୍ୟୁ ସଂପର୍କରେ ସୂଚନା ଦେଲା ସ୍ବାସ୍ଥ୍ୟ ବିଭାଗ
ରାଜ୍ୟରେ ମୋଟ କୋଭିଡ ମୃତ୍ୟୁ ସଂଖ୍ୟା ଛୁଇଁଲା ୮୩୧୨
ମୋଟ ଉପରେ ୬୪,୭୦୯ ନମୁନା ପରୀକ୍ଷଣ ହୋଇଥିଲା, ଟିପିଆର୍, ୦.୬୫%
ରାଜ୍ୟରେ ସମୁଦାୟ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ୧୦ଲକ୍ଷ ୩୮ହଜାର ୮୩୬
ଖୋର୍ଦ୍ଧାରେ ୨୧୧ କୋଭିଡ୍ ପଜିଟିଭ୍ ଚିହ୍ନଟ ଓ କଟକ ୪୦

ଗୋସାଣୀ ଯାତ୍ରାକୁ ଲୋକଙ୍କୁ ମନା

0

ପୁରୀ: କେବଳ ମୂର୍ତ୍ତି ନିର୍ମାଣରେ କଟକଣା ହୋଇଛି, ତା ନୁହେଁ, ଭସାଣୀ କାର୍ଯ୍ଯକ୍ରମରେ ବି ସରକାର କଟକଣା ଲଗାଇଛନ୍ତି। କୋଭିଡ ପରିପ୍ରେକ୍ଷୀରେ ପୁରୀ ଜିଲ୍ଲା ପ୍ରଶାସନ ଆସନ୍ତା ୧୬ ତାରିଖରେ ସିଂହଦ୍ବାର ସମ୍ମୁଖରେ କଟକଣା ଜାରି କରିଛି। ସେଦିନ ଗୋସାଣୀ ଯାତ୍ରାକୁ ସର୍ବସାଧାରଣ ଦର୍ଶନ କରିପାରିବେ ନାହିଁ। ପୁରୀରେ ଏହି ଗୋସାଣୀ ଯାତ୍ରା ଦେଖିବାକୁ ପୁରୀ ସହର ସମେତ ଜିଲ୍ଲାର କୋଣ ଅନୁକୋଣରୁ ଲୋକଙ୍କ ସୁଅ ଛୁଟିଥାଏ। ପ୍ରଶାସନ ଆଶଙ୍କା କରୁଛି ଯେ ଏହାଦ୍ବାରା ସାମାଜିକ ଦୂରତ୍ବ ରକ୍ଷା ହୋଇପାରିବ ନାହିଁ ଓ କୋଭିଡ୍ ଉଲଂଘନ ହେବ। କେବଳ ସେତିକି ନୁହେଁ, କରୋନା ବ୍ୟାପିବାର ଆଶଙ୍କା ରହିଛି। ଏଣୁ ପ୍ରଶାସନ ଏ ସଂକ୍ରାନ୍ତରେ ଆଗୁଆ କଟକଣା ଜାରି କରିଛନ୍ତି।

ପୂର୍ବରୁ ଦୁର୍ଗା ପୂଜା ସମୟରେ ସର୍ବସାଧାରଣ ଦର୍ଶନ ଉପରେ ସ୍ବତନ୍ତ୍ର ରିଲିଫ କମିସନରଙ୍କ ପକ୍ଷରୁ କଟକଣା ଜାରି କରାଯାଇଥିଲା। ଏହାକୁ ପୁରୀ ପ୍ରଶାସନ ମଧ୍ଯ ଅନୁପାଳନ କରିଥିଲେ। ଗୁରୁବାର ପୁରୀ ପ୍ରଶାସନ କହିଛି ଯେ ୧୬ ତାରିଖ ଦିନ ମଧ୍ୟାହ୍ନ ୧୨ ଘଟିକା ସମୟରୁ ଗୋସାଣୀ ଯାତ୍ରା ଶେଷ ହେବା ପର୍ଯ୍ୟନ୍ତ ଶ୍ରୀମନ୍ଦିର ଚତୁଃପାର୍ଶ୍ବ ଏବଂ ସିଂହଦ୍ବାର ଠାରୁ ମରଚି କୋର୍ଟ ଛକ ପର୍ଯ୍ୟନ୍ତ ନିଷିଦ୍ଧାଞ୍ଚଳ ଭାବେ ରହିବ। ଏହା ମଧ୍ଯକୁ କେହି ପ୍ରବେଶ କରିପାରିବେ ନାହିଁ ଓ ଯାନବାହାନ ଯାତାୟତ ଉପରେ ବି କଟକଣା ରହିବ।

ଅନ୍ଯପକ୍ଷରେ ଶ୍ରୀମନ୍ଦିର ନୀତିକାନ୍ତି ସହ ସଂପୃକ୍ତ ବ୍ୟକ୍ତବିଶେଷ ଏବଂ ପୂଜା କମିଟିର ସର୍ବାଧିକ ୭ ଜଣଙ୍କୁ ଏହି ସମୟ ମଧ୍ୟରେ ପ୍ରବେଶ ଲାଗି ଅନୁମତି ରହିବ। ଉକ୍ତ ସମୟ ମଧ୍ୟରେ ଅତ୍ୟାବଶ୍ୟକୀୟ ସେବା ଉପରେ କୌଣସି କଟକଣା ରହିବ ନାହିଁ । ଉପ ଜିଲ୍ଲାପାଳ ଭବତାରଣ ସାହୁ ଏ ସଂକ୍ରାନ୍ତ ନିର୍ଦ୍ଦେଶନାମା ଜାରି କରିଛନ୍ତି।ଉକ୍ତ ନିର୍ଦ୍ଦେଶନାମା କଡାକଡି ପାଳନ ନିମନ୍ତେ ସିଂହଦ୍ବାର ଓ ଟାଉନ ଥାନାଧିକାରୀ ମାନଙ୍କୁ ନିର୍ଦ୍ଦେଶ ଦିଆଯାଇଥିବା ପ୍ରଶାସନ ପକ୍ଷରୁ କୁହାଯାଇଛ।

Leave A Reply

Your email address will not be published.