ବଲିଉଡ଼ ଅଭିନେତ୍ରୀ କ୍ୟାଟ୍ରିନା କୈଫ ଓ ଭିକି କୌଶଲ ଗତ କିଛି ଦିନରୁ ପରସ୍ପରକୁ ଡେଟ୍ କରୁଛନ୍ତି । ତେବେ ଉଭୟ ନିଜ ମଧ୍ୟରେ ଥିବା ସମ୍ପର୍କକୁ ନେଇ ଏଯାଏ କିଛି ସ୍ପଷ୍ଟ କରିନାହାଁନ୍ତି । ଦୁଇ ଜଣଙ୍କୁ ବହୁ ପାର୍ଟି ଓ ପୋଗ୍ରାମରେ ଏକାଠି ଦେଖିବାକୁ ମିଳିଥାଏ । ବର୍ତମାନ ସମୟରେ ଉଭୟଙ୍କ ବିବାହଙ୍କୁ ନେଇ ଜୋର ଧରିଛି ଚର୍ଚ୍ଚା । କୁହାଯାଉଛି ଆସନ୍ତା ଡିସେମ୍ବର ମାସରେ ଉଭୟ ବିବାହ ବନ୍ଧନରେ ବାନ୍ଧି ହେବେ । ବିବାହରେ ସେମାନଙ୍କ ପୋଷାକ କଣ ପିନ୍ଧିବେ ତାର ଡିଜାଇନ କରୁଛନ୍ତି ପ୍ରଖ୍ୟାତ ଫ୍ୟାସନ ଡିଜାଇନର ସବ୍ୟସାଚୀ ମୁଖାର୍ଜୀ ।
ଇ-ଟାଇମ ରିପୋର୍ଟସ ଅନୁସାରେ, କ୍ୟାଟ୍ରିନା ଓ ଭିକି ଡିସେମ୍ବର ପ୍ରଥମ ସପ୍ତାହରେ ବିବାହ ବନ୍ଧନରେ ବାନ୍ଧି ହେବେ । ଏଥିପାଇଁ ସେ ରାଜସ୍ଥାନର ସାୱାଇ ମାଧୋପୁର ରୟାଲ ଭେନ୍ୟୁ ବୁକ କରିଛନ୍ତି । ରାଜସ୍ଥାନର ଏହି ପ୍ରସାଦରେ ୩ଟି ରେଷ୍ଟୁରା ଅଛି । ଯାହା ସ୍ଥାନୀୟ ଖାଦ୍ୟ ଦେଇଥାଏ ।ଏହା ସହିତ ବାହାର ଦେଶର ଖାଇବା ମଧ୍ୟ ଏଠାରେ ଦିଆଯାଇଥାଏ । ଏହି ଦୁର୍ଗରେ ଏକ ସ୍ପା ମଧ୍ୟ ଅଛି, ଯାହା ମହିଳାଙ୍କ ପ୍ୟାଲସ ଓ ଏହାର ଆଖାପାଖ ମନ୍ଦିର ମଧ୍ୟରେ ରହିଛି । ସେହିପରି ୬ଟି ସେନ୍ସ ଫୋର୍ଟ ବାରୱାରର କେନ୍ଦ୍ରୀୟ ପ୍ରାଙ୍ଗଣାକୁ ଏକ ପାରମ୍ପାରିକ ଉଦ୍ୟାନ ପରିଣତ କରାଯାଇଛି । ଯେଉଁଥିରେ ବିଭିନ୍ନ ପ୍ରକାର ଗଛ ଲଗାଯାଇଛି ।
ବଲିଉଡ ଲାଇଫର ନୂଆ ରିପୋର୍ଟ ଅନୁସାରେ, କ୍ୟାଟ୍ରିନା ନିଜେ ରାଜସ୍ଥାନର ଏହି ସ୍ଥାନକୁ ବିବାହ ପାଇଁ ବାଛିଛନ୍ତି । ରିପୋର୍ଟସ ମୁତାବକ, କ୍ୟାଟ୍ରିନା ମହାରାଣୀ ଷ୍ଟାଇଲରେ ବିବାହ କରିବାକୁ ଚାହୁଁଛନ୍ତି । ଏହା ସହିତ ପାରମ୍ପାରିକ ଅଳଙ୍କାର ପିନ୍ଧିବାକୁ ଚାହିଁଛନ୍ତି । ରାଜସ୍ଥାନର ସଂସ୍କୃତିକୁ ବହୁତ ପସନ୍ଦ କରନ୍ତି କ୍ୟାଟ୍ରିନା । ସେ ଏକ ରାଜସ୍ଥାନୀ ବିବାହ ଉତ୍ସବରେ ଅତିଥି ଭାବେ ଯୋଗ ଦେଇଥିଲେ । ତାହା ପରେ ସେ ନିଜେ ଏମିତି ରାଜସ୍ଥାନୀ ଷ୍ଟାଇଲରେ ବିବାହ କରିବାକୁ ମନସ୍ଥ କରିଥିଲେ ।
କ୍ୟାଟ୍ରିନା ନିକଟରେ ରଣବୀର ସିଂଙ୍କ ସୋ ‘ଦ ବିଗ ପିକଚର’ରେ ସେ ନିଜର ଆଗାମୀ ଫିଲ୍ମ ସୂର୍ଯ୍ୟବଂଶୀର ପ୍ରମୋଟ କରୁଥିବାର ନଜର ଆସିଥିଲେ । କ୍ୟାଟ୍ରିନା ସୋରେ ରଣବୀରଙ୍କ ସହ ଖୁବ ମସ୍ତି କରିଥିଲେ । କ୍ୟାଟ୍ରିନାଙ୍କ ସହ ଏହି ଫିଲ୍ମରେ ଅକ୍ଷୟ କୁମାର ଲିଡ଼ ରୋଲରେ ଅଛନ୍ତି । ଏହା ସହ ଫିଲ୍ମରେ ଅଜୟ ଦେବଗନ ଓ ରଣବୀର ସିଂହ ମଧ୍ୟ ଅଭିନୟ କରିଛନ୍ତି ।