ବର ଘର ଆଗରେ କନ୍ୟାର ଧାରଣା । ରାତିସାରା ବୋହୂବେଶରେ ଧାରଣାରେ ବସିଲେ ଯୁବତୀ । ଏମିତି ଘଟଣା ଦେଖିବାକୁ ମିଳିଛି ବ୍ରହ୍ମପୁର ବ୍ରହ୍ମାନଗରରେ । ପ୍ରତିଶୃତି ଦେଇ ବର ନଆସିବାରୁ ରାତିସାରା କନ୍ୟାର ପ୍ରତିବାଦ । ବିବାହ ପାଇଁ ଦୁଇ ଦୁଇ ଥର ଲଗ୍ନ ସ୍ଥି ପରେ ବି ବାହାଘର ହୋଇପାରିନି ।
କନ୍ୟା ତପସ୍ୱନୀ ଦାସଙ୍କ କହିବା ଅନୁସାରେ ୨୦୨୦ ସେପ୍ଟେମ୍ବର ୭ରେ ବାହାଘର ହୋଇଥିଲା । ଖୋର୍ଦ୍ଧା କୋର୍ଟରେ ତାଙ୍କର ବାହାଘର ହୋଇଥିଲା । ହେଲେ ବାହାଘର ପରେ ଘରେ ବନ୍ଦୀ କରି ତାଙ୍କୁ ରଖାଯାଇଥିଲା । ଶ୍ୱଶୁର ଓ ଦେଢଶୂର ତାଙ୍କୁ ନିର୍ଯାତନା ଦେଉଥିଲେ । ପାଖାପାଖି ୬ ମାସ ଏକାଠି ରହିବା ପରେ ସୁମିତ ସାହୁ ତପସ୍ୱନୀଙ୍କୁ ନେଇ ବାପଘରେ ଛାଡିଦେଇଥିଲେ ।
ମାମାଲା ଯାଇଁ କୋର୍ଟରେ ପହଞ୍ଚିବା ପରେ ରୀତିନୀତି ଅନୁଯାୟୀ ବାହା ହୋଇ ଘରକୁ ଆଣିବେ ବୋଲି ପ୍ରତିଶୃତି ଦେଇଥିଲେ । ପୁଅର ବାପା ମଧ୍ୟ କୋର୍ଟରେ ଏହି କଥା କହିଥିଲେ ହେଲେ ଦୁଇ ଦୁଇ ଥର ଲଗ୍ନ ସ୍ଥିର ପରେ ମଧ୍ୟ ବାହାଘର ହୋଇପାରିନି । ସୋମବାର ବାହାଘର ପାଇଁ କାର୍ଡ ବଣ୍ଟା ସରିଥିଲା । ସବୁ କିଛି ଠିକ୍ କରାଯାଇଥିଲା । ହେଲେ ବର ଆସିନଥିଲା । ବର ପ୍ରତିଶୃତି ଦେଇ ନଆସିବାରୁ ନିରାଶ ହୋଇଛନ୍ତି କନ୍ୟା । ବାହା ହେବା ପାଇଁ ବର ନଆସିବାରୁ ବୋହୂ ବେଶରେ ଯାଇ ପୁଅ ଘର ଆଗରେ ପ୍ରତିବାଦ କରୁଛନ୍ତି ତପସ୍ୱନୀ । ତେବେ ଏନେଇ ଅଭିଯୋଗ ପରେ ବି ମହିଳା ଥାନା ପୁଲିସ ଶୁଣିନଥିବା କହିଛନ୍ତି ।