୧୯୯୭ ବ୍ୟାଚର ଅନ୍ୟ ୩ ଆଇଜି ଏଡିଜି ହେଲେ
ଭୁବନେଶ୍ବର: ୧୯୯୭ ବ୍ୟାଚ୍ର ଆଇପିଏସ୍ ତଥା ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଡି ଏସ୍ କୁଟ୍ଟେଙ୍କୁ ରାଜ୍ୟ ସରକାର ଅତିରିକ୍ତ ଡିଜି ପାହ୍ୟାକୁ ପଦୋନ୍ନତି ଦେଇଛନ୍ତି। ତେବେ ଶ୍ରୀ କୁଟ୍ଟେ ପୂର୍ବଭଳି ସେହି ପଦବିରେ କାର୍ଯ୍ୟ କରିବେ। ଏହି ବ୍ୟାଚର ଅନ୍ୟ ବରିଷ୍ଠ ଅଧିକାରୀ ତଥା ଜେଲ ଦାୟିତ୍ବରେ ଥିବା ଆଇଜି ଦୀପ୍ତେଶ ପଟ୍ଟନାୟକଙ୍କୁ ବି ପଦୋନ୍ନତି ମିଳିଛି। ସେହିଭଳି ଭିଜିଲାନ୍ସ ଆଇଜି ଅସିତ କୁମାର ପାଣିଗ୍ରାହୀ ଏବଂ କମିସନରେଟ୍ ପୁଲିସର ଅତିରିକ୍ତ ପୁଲିସ କମିସନର ରେଖା ଲୋହାନି ବି ଏହି ପାହ୍ୟାକୁ ପଦୋନ୍ନତି ପାଇଛନ୍ତି। ଜାନୁଆରି ପହିଲାରୁ ଏହି ପଦୋନ୍ନତି କାର୍ଯ୍ୟକାରୀ ହେବ।
ଅନ୍ୟପକ୍ଷରେ ରାଜ୍ୟ ସରକାର ଆଜି ଆଉ ଏକ ବିଜ୍ଞପ୍ତିରେ କହିଛନ୍ତି ଯେ ବୁଧବାର ପଦୋନ୍ନତି ପାଇଥିବା ଅଫିସରମାନଙ୍କୁ ଏବେ ନୂଆ ପଦବି ମିଳିବାର ନାହିଁ। ମାନେ ସେହି ପଦବିରେ କାର୍ଯ୍ୟ କରିବେ। ନୂଆ ଡିଜି ଯୋଗଦେବା ପରେ ଓ ନିର୍ବାଚନ ପ୍ରକ୍ରିୟା ଶେଷ ପରେ ଆଇପିଏସ୍ ବଦଳି ହେବ।