ଭୁବନେଶ୍ବର: ରାଜ୍ୟରେ କରୋନା ସ୍ଥିତି ଅଣାୟ ହେବାରେ ଲାଗିଛି। ଜଙ୍ଗଲ ନିଆଁ ଭଳି କରୋନା ବ୍ୟାପିବାରେ ଲାଗିଛି।ଦୈନିକ ସଂକ୍ରମଣ ୫ ହଜାର ମୁହାଁ ହୋଇଛି । ୨୦୨୦, ସେପ୍ଟେମ୍ବର ୨୫ରେ ରାଜ୍ୟରେ ପ୍ରଥମ ଲହରର ପିକ ଥିଲା ୪ ହଜାର ୩୫୬। ସେହି ରେକର୍ଡକୁ ୧୨ ଦିନ ମଧ୍ୟରେ ଏବେ ତୃତୀୟ ଲହର ଟପିସାରିଛି। ରାଜ୍ୟରେ କରୋନାର ବଡ଼ ହଟସ୍ପଟ ପାଲଟିଛି ଖୋର୍ଦ୍ଧା। ଖୋର୍ଦ୍ଧା ସମେତ ୭ଟି ଜିଲ୍ଲାରେ ସେଞ୍ଚୁରି ଟପିଛି ସଂକ୍ରମଣ।
ରାଜ୍ୟରେ ଗତ ୨୪ ଘଣ୍ଟାରେ ୪ ହଜାର ୭୧୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି; ଯାହା ରାଜ୍ୟ ସରକାର ପାଇଁ ଚିନ୍ତାଜନକ। ମୋଟ ଆକ୍ରାନ୍ତଙ୍କ ମଧ୍ୟରୁ ସଙ୍ଗରୋଧରୁ ୨୭ ଶହ ୫୫ ଜଣ ଥିବା ବେଳେ ସ୍ଥାନୀୟ ଅ ଳରୁ ଅଛନ୍ତି ୧୯୫୯ ଜଣ । ସେହିପରି ୦ରୁ ୧୮ ବର୍ଷ ମଧ୍ୟରେ ୪୧୬ ଜଣ ଆକ୍ରାନ୍ତ ହୋଇଛନ୍ତି। ତେବେ ରେଡ ଜୋନରେ ଥିବା ଖୋର୍ଦ୍ଧାରେ ସଂକ୍ରମଣ ଏବେ ୨ହଜାର ମୁହାଁ । ଗତ ୨୪ ଘଣ୍ଟାରେ ୧୬୧୯ ଜଣ କେବେଳ ଖୋର୍ଦ୍ଧାରୁ ଚିହ୍ନଟ ହୋଇଛନ୍ତି । ତା ପଛକୁ ସୁନ୍ଦରଗଡ଼ରେ ୬୬୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି।
ସେହିପରି ସମ୍ବଲପୁରରୁ ୪୩୭, କଟକରୁ ୩୬୦ ,ଝାରସୁଗୁଡାରୁ ୧୫୪,ବାଲେଶ୍ୱରରୁ ୧୨୩,ପୁରୀରୁ ୧୧୯ ପଜିଟିଭ ମାମଲା ସାମନାକୁ ଆସିଛି। ସଂଖ୍ୟା ଯେଭଳି ଭାବେ ବଢିବାରେ ଲାଗିଛି ଦ୍ୱିତୀୟ ଲହରରେ ୨୦୨୧ ମେ’ ମାସରେ ସଂକ୍ରମଣ ଯେଭଳି ୧୨ ହଜାର ୮୪୨ ଶୀର୍ଷକୁ ଛୁଇଁ ଥିଲା ତାକୁ ମଧ୍ୟ ଖୁବ ଶୀଘ୍ର
ଟପିଯାଇପାରେ ଏବଂ ଖୁବ ଶୀଘ୍ର କରୋନା ଏଇ ମାସ ଶେଷ ସୁଦ୍ଧା କିମ୍ବା ଫେବୃଆରି ଆରମ୍ଭରୁ ଶୀର୍ଷରେ ପହଞ୍ଚିପାରେ ବୋଲି ଆକଳନ କରିଛନ୍ତି ବିଶେଷଜ୍ଞ ।