ଦେଶରେ ବେଲଗାମ୍ କରୋନା

0

ନୂଆଦିଲ୍ଲୀ: କରୋନା ସଂକ୍ରମଣରେ ଲାଗୁନି ବ୍ରେକ> ଦିନକୁ ଦିନ ସ୍ଥିତି ଅଣାୟ ହେବାରେ ଲାଗିଛି। ଦେଶରେ ଗତ ୨୪ ଘଣ୍ଟାରେ ଲକ୍ଷେ ୬୮ ହଜାର ୬୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ଦିନକରେ ୨୭୭ଜଣଙ୍କ ମୃତ୍ୟୁ ହୋଇଥିବା ରେକର୍ଡ କରାଯାଇଛି। ଗତକାଲିଠୁ ଆଜିର ସଂକ୍ରମଣ ହାର କମ ରହିଛି। ଗତକାଲି ସଂକ୍ରମଣ ହାର ୧୨.୬ ପ୍ରତିଶତ ଥିବା ବେଳେ ଆଜି ୧୦.୬୪ ପ୍ରତିଶତ ରହିଛି।

ଓମିକ୍ରନ ଭ୍ୟାରିଆଣ୍ଟ ଯୋଗୁଁ ସଂକ୍ରମଣ ରକେଟ ସ୍ପିଡରେ ମାଡିବାରେଲାଗିଛି । ସପ୍ତାହକ ମଧ୍ୟରେ ୬ ଗୁଣାରୁ ଅଧିକ ସଂକ୍ରମଣ ଦେଶରେ ବୃଦ୍ଧି ପାଇଛି । ଡିସେମ୍ବର ୨୭ରୁ ଜାନୁଆରି ୨ ମଧ୍ୟରେ ଦେଶରେ ଲକ୍ଷେ ୩୦ ହଜାର ମାମଲା ଆସିଥିଲା। ଦ୍ୱିତୀୟ ଲହରରେ ଲକ୍ଷେ ୩୦ ହଜାରରୁ ୭ ଲକ୍ଷ ୮୦ ହଜାରେ ପହଞ୍ଚିବାକୁ ପାଖାପାଖି ୫ ସପ୍ତାହ ସମୟ ନେଇଥିଲା। କିନ୍ତୁ ତୃତୀୟ ଲହରରେ ଏହା ଦ୍ରୁତ ଗତିରେ ବୃଦ୍ଧି ପାଉଛି।

ଦେଶରେ ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୩,୫୮,୭୫,୭୯୦ରେ ପହଞ୍ଚିଛି। ସେହିପରି ମୃତ୍ୟୁ ସଂଖ୍ୟା ୪,୮୪,୨୧୩କୁ ବୃଦ୍ଧି ପାଇଛି । ଏବେ ଦେଶରେ ସକ୍ରିୟ ସଂକ୍ରମିତଙ୍କ ସଂଖ୍ୟା ହେଉଛି ୮,୨୧,୪୪୬ । ସେହିପରି ଦେଶରେ ଓମିକ୍ରନ ସଂକ୍ରମିତଙ୍କ ସଂଖ୍ୟା ମଧ୍ୟ ୪ ହଜାର ଟପିଛି । ୪ ହଜାର ୪୬୧ରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ପହଞ୍ଚିଛି। ଦିଲ୍ଲୀ, ମହାରାଷ୍ଟ୍ର, ପଶ୍ଚିମବଙ୍ଗରେ କରୋନା ସଂକ୍ରମଣ ଅଧିକ ମାଡୁଥିବାରୁ ଚିନ୍ତା ବଢାଇଛି।

ଦିଲ୍ଲୀ,ମୁମ୍ବାଇରେ ତୃତୀୟ ଲହରରେ ଅଧିକ ପୁଲିସ କର୍ମଚାରୀ ଓ ଡାକ୍ତର ସଂକ୍ରମିତ ହେଉଥିବା ଦେଖାଦେଉଛି । ଦେଶରେ ଅଧିକାଂଶ ରାଜ୍ୟରେ କରୋନା କଟକଣା ଲାଗୁ କରାଯାଇଛି। ସନ୍ତାହାନ୍ତ ସଟଡାଉନ,ନାଇଟ କର୍ଫ୍ୟୁ ବି ଲାଗୁ କରାଯାଇଛି। ତଥାପି କିନ୍ତୁ କରୋନା ସଂକ୍ରମଣ ବଢି ବଢି ଚାଲିଛି । ବିଶେଷଜ୍ଞଙ୍କ ଆକଳନ ଅନୁସାରେ , ସଂକ୍ରମଣ ଯେତିକି ବେଗରେ ବ୍ୟାପୁଛି, ଖୁବ ଶୀଘ୍ର ଶୀର୍ଷକୁ ଛୁଇଁପାରେ। ଜାନୁଆରୀ ଶେଷ କି ଫେବୃଆରି ମଧ୍ୟ ଭାବରେ ସଂକ୍ରମଣ ପିକରେ ପହଞ୍ଚିପାରେ। ତେଣୁ ସେତିକିଦିନ ସମେସ୍ତ କରୋନା ନିୟମ ମାନି ସଚେତନ ହୋଇ ରହିବା ଆବଶ୍ୟକ।

Leave A Reply

Your email address will not be published.