ପୁଲିସର ଲାଠିମାଡ଼ ପରେ ପୁରୁଷ ଶୂନ୍ୟ ଢିଙ୍କିଆ ଗାଁ । ଗାଁର ତାଟି କବାଟ ପଡିଥିବା ବେଳେ ଗିରଫ ଭୟରେ ଗାଁ ପୁରୁଷ ଶୂନ୍ୟ ହୋଇପଡିଛି । ଆନ୍ଦୋଳନର ନେତୃତ୍ୱ ନେଇଥିବା ଦେବେନ୍ଦ୍ର ସ୍ୱାଇଁଙ୍କ ସମେତ ୫ ଜଣଙ୍କୁ ଗିରଫ କିରିଛି ପୁଲିସ। ସେପଟେ ଗ୍ରାମବାସୀଙ୍କ ଉପରେ ପୁଲିସ ଆକ୍ରମଣକୁ ନେଇ ଜିଲ୍ଲା ପ୍ରଶାସନକୁ ଘେରିଛି କଂଗ୍ରେସ । କଂଗ୍ରେସ ସାମ୍ବାଦିକ ସମ୍ମିଳନୀ କରି କହିଛି, ପାଖାପାଖି ୧୩ ଦିନ ହେଲା ଢିଙ୍କିଆ ଲୋକଙ୍କୁ ପୁଲିସ ଘେରାବନ୍ଦୀ କରି ରଖିଛି । ଜିଲ୍ଲା ପ୍ରଶାସନ ପାନବରଜ ଭାଙ୍ଗିବାରୁ ଗ୍ରାମବାସୀଙ୍କ ଉପରେ ଆକ୍ରମଣ କରାଯାଇଛି । ପୁଲିସର ବର୍ବରଚିତ ଆର୍କମଣର ବିଚାର ବିଭାଗୀୟ ତଦନ୍ତ ପାଇଁ ଦାବି କରିଛି କଂଗ୍ରେସ ।
ସେପଟେ ଗ୍ରାମବାସୀ ପ୍ରଥମେ ପୁଲିସକୁ ଆକ୍ରମଣ କରିଥିଲେ । ଗ୍ରାମବାସୀଙ୍କୁ ଘଉଡାଇବାକୁ ଯାଇ ପୁଲିସ ମୃଦୁ ଲାଠି ଚାଳନା କରିଥିବା ଏସପି ଅଖିଳେଶ୍ୱର ସିଂହ କହିଛନ୍ତି । ୭୦୦ରୁ ୮୦୦ ଲୋକ ହଠାତ ଆସି ପୁଲିସ ମୁତୟନ ହୋଇଥିବା ସ୍ଥାନରେ ଆକ୍ରମଣ କରିଥିଲେ । ଏହା ପରେ ବାଧ୍ୟ ହୋଇ ପୁଲିସ ଲାଠି ଚାଳନା କରିଥିଲା । ସ୍ଥିତି ଏବେ ନିୟନ୍ତ୍ରଣରେ ଥିବା ଏସପି କହିଛନ୍ତି । ତେବେ ପୁଲିସର ଲାଠିଚାର୍ଜ ପରେ କିଛି ଗ୍ରାମବାସୀ ଆହତ ହୋଇଛନ୍ତି । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଜେଏସଡବ୍ଲୁ ପ୍ରସ୍ତାବିତ ପ୍ରକଳ୍ପ ପାଇଁ ପ୍ରଶାସନ ପାନବରଜ ଭାଙ୍ଗୁଥିବା ଚାଷୀ ଅଭିଯୋଗ କରିଛନ୍ତି । ଆଜି ଗ୍ରାମବାସୀ ମାନେ ପାନବରଜକୁ ଯିବା ବେଳେ ପୁଲିସ ସେମାନଙ୍କୁ ଅଟକାଇଥିଲା ।ଏହା ପରେ ପୁଲିସ ମୁତୟନ ହୋଇଥିବା ସ୍ଥାନକୁ ଶହ ଶହ ଲୋକ ମାଡିଆସିଥିଲେ। ଫଳରେ ଘଟଣା ସ୍ଥଳରେ ଉତ୍ତେଜନା ଦେଖାଦେଇଥିଲା । ପୁଲିସ ଓ ଗ୍ରାମବାସୀ ମୁହାଁମୁହିଁ ହୋଇଥିଲେ । ସ୍ଥାନୀୟ ଅଞ୍ଚଳ ଋଣକ୍ଷେତ୍ର ପାଲଟିଥିଲା । ପୁଲିସ ଗୋଡାଇ ଗୋଡାଇ ଗ୍ରାମବାସୀଙ୍କୁ ପିଟିବା ସହ ଆନ୍ଦୋଳନର ନେତୃତ୍ୱ ନେଉଥିବା ଲୋକଙ୍କୁ ଉଠାଇନେଇଥିଲା ।