ବାହାଘର ଭୋଜି ଖାଇ ଖୁସିରେ ଘରକୁ ଫେରୁଥିଲେ । କିନ୍ତୁ ଅଧାବାଟରେ ଜଗିଥିଲା ମୃତ୍ୟୁ । ଦୁର୍ଘଟଣାରେ ଚାଲିଗଲା ୫ ଜୀବନ । ସୋନପୁର ମହାନଦୀ ପୋଲ ଉପରେ ବିଳମ୍ବିତ ରାତିରେ ଏଭଳି ଅଘଟଣ ଘଟିଛି । ଟ୍ରକ ଓ ବୋଲେରୋ ମୁହାମୁହିଁ ଧକ୍କା ହେବା ଫଳରେ ୫ଜଣଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ଥିବା ୫ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ,ବାହାଘର ଭୋଜିଖାଇ ବିନିକା କଉଡିଆମୁଣ୍ଡାରୁ ଓ ପ ମହଲା ଓ ନମ୍ନା ଗାଁକୁ ବରଯାତ୍ରୀ ଫେରୁଥିଲେ । ବୋଲେରୋରେ ୧୦ ଜଣ ବରଯାତ୍ରୀ ଫେରୁଥିବା ବେଳେ ମହାନୀଦ ବ୍ରିଜ ଉପରେ ହଠାତ ଏକ ଧାନବୋଝେଇ ଟ୍ରକ ସହ ମୁହାଁମୁିହିଁ ଧକ୍କା ହୋଇଥିଲା । ଦୁଘର୍ଟଣା ଏତେ ଭୟଙ୍କର ଥିଲା ଯେ ଗାଡିର ଆଗ ସମ୍ପୂର୍ଣ୍ଣ ଚୁରମାର ହୋଇଯାଇଥିଲା । ଘଟଣା ସ୍ଥଳରେ ହିଁ ୫ ଜଣଙ୍କ ମୃତ୍ୟୁ ହୋଇଯାଇଥିଲା ।ଗାଡିକୁ ଗ୍ୟାସ କଟରରେ କାଟି ଭିତରେ ଚାପି ହୋଇଯାଇଥିବା ଲୋକଙ୍କୁ ବାହାରକୁ ବାହର କରାଯାଇଥିଲା । ୫ ଜଣଙ୍କ ଅବସ୍ଥା ଗୁରୁତର ଥିବା ବେଳେ ପ୍ରାଥମିକ ଚିକିତ୍ସା ପରେ ସେମାନଙ୍କୁ ବୁର୍ଲା ସ୍ଥାନାନ୍ତର କରାଯାଇଛି ।ଘଟଣାକୁ ନେଇ ସ୍ଥାନୀୟ ଅ ଳରେ ଶୋକାକୂଳ ପରିବେଶ ସୃଷ୍ଟି ହୋଇଛି । ମୃତକଙ୍କ ମଧ୍ୟରେ ଗୋଟିଏ ପରିବାରର ୩ ଜଣ ଥିବା ବେଳେ ଅନ୍ୟ ଏକ ପରିବାରର ଦାଦା-ପୁତୁରା ଥିବା ଜଣାପଡିଛି ।