ରାଜ୍ୟରେ ତଳମୁହାଁ କରୋନା ଗ୍ରାଫ । ଖସୁଛି ଦୈନିକ ସଂକ୍ରମଣ ସଂଖ୍ୟା । ଗତ ୨୪ ଘଣ୍ଟା ରେ ୮ ହଜାରକୁ ଖସିଛି ସଂକ୍ରମିତଙ୍କ ସଂଖ୍ୟା । କିଛି ଦିନ ୧୦ ହଜାର ଟ୍ରେଣ୍ଡ ରହିବା ପରେ ଦୁଇ ଦିନ ହେବ ୧୦ ହଜାର ତଳକୁ ସଂଖ୍ୟା ଖସିବା ଏକ ପ୍ରକାର ଆଶ୍ୱସ୍ତିକର ଖବର । ହେଲେ ଦେଶରେ କ୍ରମାଗତ ତୃତୀୟ ଦିନରେ ୩ ଲକ୍ଷ ଉପରେ ମାମଲା ଆସିଛି । ରାଜ୍ୟରେ ଦିନକରେ ୮ ହଜାର ୮୪୫ ସଂକ୍ରମିତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରେ ସଙ୍ଗରୋଧ କେନ୍ଦ୍ରରୁ ୫ ହଜାର ୧୨୮ ଜଣ ଥିବା ବେଳେ ସ୍ଥାନୀୟ ଅଞ୍ଚଳରୁ ୩ ଜହାର ୭୧୭ ଜଣ ଅଛନ୍ତି । ୦ରୁ ୧୮ ବର୍ଷ ମଧ୍ୟରେ ୯୨୭ ଜଣ ପଜିଟିଭ ଅଛନ୍ତି । ଖୋର୍ଦ୍ଧାରୁ ସର୍ବାଧିକ ୨ ହଜାର ୫୨୮ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ସୁନ୍ଦରଗଡରୁ ୧୦୦୧,କଟକରୁ ୬୨୮, ଅନୁଗୁଳରୁ ୧୬୦, ବାଲେଶ୍ୱରରୁ ୨୯୦, ବରଗଡରୁ ୧୪୧, ଭଦ୍ରକରୁ ୧୧୭,ବଲାଙ୍ଗୀରରୁ ୨୩୨,ମୟୂରଭଞ୍ଜରୁ ୧୫୨ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ତେବେ ୨୪ ଘଣ୍ଟା ରେ ରାଜ୍ୟରେ କରୋନାରେ ୭ ଜଣଙ୍କ ଜୀବନ ଯାଇଛି । ଅନୁଗୁଳରୁ ୨ ଜଣ ରହିଥିବା ବେଳେ ଭଦ୍ରକ,କଟକ,ଯାଜପୁର, ମୟୂରଭଞ୍ଜ,ପୁରୀରୁ ଜଣେ ଲେଖାଁଏ ମୃତକ ଅଛନ୍ତି । ରାଜ୍ୟରେ ୮୮ ହଜାର ୧୫୦ ସକ୍ରିୟ ସଂକ୍ରମିତଙ୍କ ସଂଖ୍ୟା ଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୧୧୯୬୧୪୦ରେ ପହଞ୍ଚିଛି। ସେପଟେ ଦେଶରେ କିନ୍ତୁ ଲଗାତର ତୃତୀୟ ଦିନ ଧରି ୩ ଲକ୍ଷ ଉପରେ ସଂକ୍ରମିତଙ୍କ ସଂଖ୍ୟା ରହିଛି । ଗତ ୨୪ ଘଣ୍ଟା ରେ ୩ ଲକ୍ଷ ୩୭ ହଜାର ୭୦୪ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ ୫ ରାଜ୍ୟରେ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ମହାରାଷ୍ଟ୍ର ଆଗରେ ରହିଛି ।
ମହାରାଷ୍ଟ୍ରରେ ଦିନକରେ ୪୮ ହଜାର ୨୭୦ ପଜିଟିଭ ଚିହ୍ନଟ ହୋଇଛନ୍ତି । ଏହା ପରେ କର୍ଣ୍ଣାଟକରୁ ୪୮ ହଜାର ୪୯, କେରଳରୁ ୪୧ ହଜାର ୬୬୮,ତାମିଲନାଡୁରୁ ୨୯ ହଜାର ୮୭୦,ଗୁଜୁରାଟରୁ ୨୧ ହଜାର ୨୨୫ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ ଦିନକରେ ଚିହ୍ନଟ ଆକ୍ରାନ୍ତଙ୍କ ସଂଖ୍ୟା ମଧ୍ୟରୁ ଏହି ୫ ରାଜ୍ୟରୁ ୫୬ ପ୍ରତିଶତ ମାମଲା ରହିଛି । ମହାରାଷ୍ଟ୍ରରେ କେବଳ ୧୪.୨୯ ପ୍ରତିଶତ ମାମଲା ଚିହ୍ନଟ ହୋଇଛି । ସେପଟେ ଦେଶରେ ସକ୍ରିୟ ସଂକ୍ରମିତଙ୍କ ସଂଖ୍ୟା ବଢି ୨୧ ଲକ୍ଷ ହୋଇଯାଇଛି ।