ଚଳିତ ପଞ୍ଚାୟତ ନିର୍ବାଚନରେ ସତ୍ୟବାଦୀରେ କଂଗ୍ରେସ ଜିଲ୍ଲା ପରିଷଦ ପ୍ରାର୍ଥୀ ଦେଇନଥିବା ବେଳେ ଆଜି ଏନେଇ ସାମ୍ବାଦିକ ସମ୍ମିଳନୀ କରି ପ୍ରତିକ୍ରିୟା ରଖିଛନ୍ତି ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ । ସତ୍ୟବାଦୀ କଂଗ୍ରେସ ଶୂନ ହେବା ନେଇ ଯେଉଁ ଚର୍ଚ୍ଚା ହେଉଥିଲା ସେ ନେଇ ମୁହଁ ଖୋଲିଛନ୍ତି। କହିଛନ୍ତି, ଟିକେଟ କାହାକୁ ମିଳିବ କି ନାହିଁ ତାହା ଦାୟିତ୍ୱ ପିସିସି ସଭାପତିଙ୍କର । ଶେଷ ମୁହୁୃ ର୍ରେ ତାଙ୍କୁ ପଞ୍ଚାୟତ ନିର୍ବାଚନ ପାଇଁ ଟିକେଟ ମିଳିଥିଲା । କିନ୍ତୁ ସେ ନିର୍ବାଚନ ମଣ୍ଡଳୀ ଦାୟିତ୍ୱ ବୁଝୁନଥିବାରୁ ମନା କରିଦେଇଥିଲେ ।
ଦାୟିତ୍ୱ ଦିଆଯାଏ, ନହେଲେ ନିଆଯାଏ । କାହା ଉପରେ ଲଦିଦିଆଯାଏନି ବୋଲି କହିଛନ୍ତି ପ୍ରସାଦ ହରିଚନ୍ଦନ । ଏବଂ ୨୦୨୪ ନିର୍ବାଚନ ଲଢିବେ ନାହିଁ ବୋଲି ଘୋଷଣା କରିଛନ୍ତି । ଆଜି ସାମ୍ବାଦିକ ସମ୍ମିଳନୀରେ ଭାବବିହ୍ୱଳ ହୋଇଯାଇଥିଲେ ପ୍ରସାଦ । ଆଖି ଛଳ ଛଳ ହୋଇଯାଇଥିଲା । । କୋହ ଭରା କଣ୍ଠରେ କହିଥିଲେ, କଂଗ୍ରେସ ଲୋକଙ୍କୁ ବ୍ୟୁହ ଭଳି ସଜେଇ ଦିଆଯାଉଛି । ।ନେତା ଏକଜୁଟ ହୋଇ ଲଢିବା କଥା । କିନ୍ତୁ ଏହା ନକରି ପଥରୋଧ କରାଯାଉଛି । ତେବେ ସେ ରାଜନୀତିରେ ଥିଲେ, ଅଛନ୍ତି ଓ ରହିବେ ବୋଲି କହିଛନ୍ତି । ଯେଉଁମାନେ ସେ ବିଜେଡି ସଂପର୍କରେ ଅଛନ୍ତି ବୋଲି କହୁଥିଲେ,ସେମାନେ ପ୍ରମାଣ ଦିଅନ୍ତୁ । ଯେଉଁମାନେ ବେପାରରେ ଅଛନ୍ତି, ସେମାନେ ଡିଲ କରିବେ । କିନ୍ତୁ ତାଙ୍କର ଖଣି ଟଙ୍କା ନାହିଁ ବୋଲି କହିଛନ୍ତି ପ୍ରସାଦ ।
ସେ କହିଛନ୍ତି, ୨୦୦୨ରୁ ମୋତେ ଅନ୍ୟ ଦଳକୁ ନେବାକୁ ଚେଷ୍ଟା କରାଯାଉଛି , । କିନ୍ତୁ ମୁଁ ଯାଇନାହିଁ । ଏଠାରେ କଂଗ୍ରେସର ଲଢେଇ ବିଜେପି ଓ ବିଜେଡି ସହ ହେବା କଥା କିନ୍ତୁ ଏଠି କଂଗ୍ରେସର କଂଗ୍ରେସ ସହ ହେଉଛି । ଓଡିଶାରେ କଂଗ୍ରେସକୁ ଆଗକୁ ନେବାକୁ ହେଲେ ଏକଜୁଟ ହୋଇ ଲଢିବାକୁ ପଡିବ । ଏଯାଏଁ ସେ ଅସ୍ତ୍ର ତ୍ୟାଗ କରିନାହାନ୍ତି । ନିର୍ବାଚନ ଲଢିବିନି କିନ୍ତୁ ଦଳ ପାଇଁ କାମ କରିବେ ବୋଲି କହିଛନ୍ତି ।