ଭୂମିକମ୍ପରେ ଥରିଲା ଜମ୍ମୁ-କାଶ୍ମୀର, ଦିଲ୍ଲୀରେ ବି ଝଟ୍‌କା

ଜମ୍ମୁ-କାଶ୍ମୀର, ଦିଲ୍ଲୀ ଏନସିଆର ସମେତ ଅନେକ ଅଞ୍ଚଳରେ ଆଜି ସକାଳୁ ଭୂମିକମ୍ପ ଅନୁଭୂତ ହୋଇଛି । ଜମ୍ମୁ କାଶ୍ମୀରର କାଶ୍ମୀର ଘାଟି ଓ ଜମ୍ମୁ ସଂଭାଗା ଭୂକମ୍ପର ଝଟକା ଅଧିକ ଅନୁଭୂତ ହୋଇଛି । ଘରର ଆସବାବପତ୍ର ହଲିବା ପରେ ଲୋକମାନେ ଭୟରେ ଘରୁ ବାହାରକୁ ପଳାଇଆସିଥିଲେ । ରିକ୍ଟର ସ୍ଲେଲରେ ଜମ୍ମୁରେ ଭୂକମ୍ପର ତୀବ୍ରତା ୫.୭ ବୋଲି ଜଣାପଡିଛି । ଆଫଗାନିସ୍ତାନର ତାଜିକିସ୍ତାନ ହେଉଛି ଭୂକମ୍ପର କେନ୍ଦ୍ରସ୍ଥଳୀ । ଭୂକମ୍ପର ତୀବ୍ରତା ଏତେ ଅଧିକ ଥିଲା ଯେ ପ୍ରାୟ ୨୦ ସେକେଣ୍ଡ ଧରି ଏହାର ପ୍ରଭାବ ଅନୁଭୂତ ହେଉଥିଲା । ତେବେ ଏଯାଏଁ କୌଣସି କ୍ଷୟକ୍ଷତିର ସୂଚନା ମିଳିପାରିନାହିଁ । ଏହା ପୂର୍ବରୁ ଜାନୁଆରୀ ୧୪ରେ ଜମ୍ମୁ କାଶ୍ମୀରେ ଭୂକମ୍ପର ଝଟକା ଅନୁଭୂତ ହୋଇଥିଲା । ରିକ୍ଟର ସ୍ଲେଲରେ ତୀବ୍ରତା ୫.୩ ଥିଲା । ବିଶେଷଜ୍ଞଙ୍କ କହିବା ଅନୁସାରେ କାଶ୍ମୀର ପାହାଡିଆ ଅଞ୍ଚଳ ହୋଇଥିବାରୁ ସବୁବେଳେ ଏଠାରେ ଭୂକମ୍ପର ବିପଦ ରହିଛି ।