ୟୁକ୍ରେନ-ଋଷ ଯୁଦ୍ଧ ଭିନ୍ନ ମୋଡ଼ ନେଇପାରେ । କାରଣ ଆଜି ଆମେରିକା ରାଷ୍ଟ୍ରପତି ଜୋ ବାଇଡେନ ପୋଲାଣ୍ଡ ପହଞ୍ଚିବେ । ଏହି ଗସ୍ତର ଗୁରୁତ୍ୱ ଅନେକ ରହିଛି । କାରଣ ପୋଲାଣ୍ଡ ସୀମା ନେଇ ୟୁକ୍ରେନକୁ ସହାୟତା ପହଞ୍ଚୁ ଥିବାରୁ ଋଷ ଟାର୍ଗେଟରେ ପୋଲାଣ୍ଡ ରହିଛି । ପୋଲାଣ୍ଡର ପ୍ରଧାନମନ୍ତ୍ରୀଙ୍କ ସହ ବାଇଡେନ ଆଲୋଚନା କରି ଋଷ ବିରୋଧରେ ଲଗାଯାଇଥିବା କଟକଣାକୁ ଆହୁରି କଡା କରିବା କରିବା ପାଇଁ ପଦକ୍ଷେପ ନେବେ ବୋଲି ଜଣାପଡିଛି । ୟୁକ୍ରେନ ଓ ଋଷ ମଧ୍ୟରେ ଯୁଦ୍ଧ ମାସେ ପୁରିଥିବା ବେଳେ କେହି କାହା ଆଗରେ ମୁଣ୍ଡ ନୁଆଁଇବାକୁ ନାରାଜ ।
ୟୁକ୍ରେନର ବିଭିନ୍ନ ସହର ଉପରେ ଋଷ ଘନ ଘନ ମିସାଇଲ ମାଡ଼ କରୁଛି । ଋଷ ୟୁକ୍ରେନକ ବାରମ୍ବାର ପରମାଣୁ ଆକ୍ରମଣ ଭୟ ଦେଖାଉଛି । ସେପଟେ ନାଟୋର ଜରୁରୀ ବୈଠକରେ ଯୋଗ ଦେଇ ଜି ସେଭେନେ ରାଷ୍ଟ୍ର ମୁଖ୍ୟଙ୍କ ସହ ଆଲୋଚନା କରିଛନ୍ତି । ବାଇଡେନ କହିଛନ୍ତି, ଋଷ ଯଦି କେମିକାଲ ବା ରାସାୟନିକ ଅସ୍ତ୍ର ପ୍ରୟୋଗ ନେଇ ପ୍ରମାଣ ମିଳେ ତେବେ ସେମାନେ ଚୁପ ବସିବେନି । ନାଟୋ କେବେ ହେଲେ ଚୁପ ବସିବନି ବାଇଡେନ ଚେତାବନୀ ଦେଇଛନ୍ତି । ନାଟୋର ହେଡ଼କ୍ୱାର୍ଟର ବେଲଜିୟମର ବ୍ରସେଲନ୍ସ ଆୟୋଜିତ ସମ୍ମିଳନୀରେ ଯୋଗ ଦେଇ ବାଇଡେନ ଏହା କହିଛନ୍ତି । ଏପଟେ ଆମେରିକା ପ୍ରତ୍ୟକ୍ଷ ଯୁଦ୍ଧରେ ସାମିଲ ହେବ ନାହିଁ କହିଥିବା ବେଳେ ଋଷ ବିରୋଧରେ ପରୋକ୍ଷରେ ଯୁଦ୍ଧ ପାଇଁ ବ୍ୟାପକ ପ୍ରସ୍ତୁତି କରିଦେଇଛନ୍ତି ବାଇଡେନ ।