ପୌର ଫଇସଲା: ଏବେ ସୁଦ୍ଧା କିଏ ଆଗରେ କିଏ ପଛରେ?

ଚାଲିଛି ପୌର ନିର୍ବାଚନ ଭୋଟ ଗଣତି। ସକାଳୁ ଗଣତି ଆରମ୍ଭ ହୋଇଥିବା ବେଳେ ଆସିଛି ଟ୍ରେଣ୍ଡ ପରେ ଟ୍ରେଣ୍ଡ । ରାଜ୍ୟର ଅଧିକାଂଶ ଏନଏସି,ପୌରାଞ୍ଚଳରେ ବିଜେଡି ଆଗରେ ରହିଛି । ବିରୋଧୀ ବହୁ ପଛରେ ପଡିଯାଇଛନ୍ତି । ଦିନ ୧୦ଟା ସୁଦ୍ଧା ଟ୍ରେଣ୍ଡ ଅନୁସାରେ ୭୧ଟି ଆସନରେ ବିଜେଡି ଆଗୁଆ ରହିଛି । ବିଜେପି ୧୭ଟି ଆସନରେ ଆଗେଇ ଚାଲିଛି । କଂଗ୍ରେସ ୭ଟି ଆସନରେ ଆଗୁଆ ଥିବା ବେଳେ ସ୍ୱାଧୀନ ପ୍ରାର୍ଥ ୧୦ ଆସନରେ ଆଗୁଆ ରହିଛନ୍ତି । ସେହିପରି ଯାଜପୁର ଓ ବୌଦ୍ଧରେ ଏନଏସି ଅଧ୍ୟକ୍ଷ ପଦ ହାତେଇଛି ବିଜେଡି । ଯାଜପୁରରେ ବିଜେଡିର ରଞ୍ଜୁଲତା ହୋତା ବିଜୟୀ ହୋଇଥିବା ବେଳେ ବୌଦ୍ଧରେ ବିଜେଡିର ମୃତ୍ୟୁଞ୍ଜୟ ମିଶ୍ର ବିଜୟୀ ହୋଇଛନ୍ତି । ବୌଦ୍ଧରେ ସମୁଦ୍ରାୟ ୧୭ଟି ୱାର୍ଡ ମଧ୍ୟରୁ ୧୫ରେ ବିଜେଡି ବିଜୟୀ ଥିବା ବେଳେ ବିଜେପିକୁ ୨ଟି ୱାର୍ଡ ମିଳିଛି ।