ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାଳିବେ ଆର୍ଥ ଆୱାର

ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାଳିବେ ଆର୍ଥ ଆୱାର । ରାତି ସାଢେ ୮ଟାରୁ ଏକ ଘଣ୍ଟା ଧରି ନବୀନ ନିବାସର ସମସ୍ତ ବିଦ୍ୟୁତ ଚାଳିତ ସରଞ୍ଜାମ ବନ୍ଦ ରହିବ। ଅର୍ଥାତ ରାତି ସାଢେ ୮ରୁ ସାଢେ ୯ ପର୍ଯ୍ୟନ୍ତ ଆର୍ଥ ଆୱାର ପାଳନ କରାଯିବ। ୨୦୦୭ ମସିହାରେ ଅଷ୍ଟ୍ରେଲିଆର ସିଡନୀ ସହରରେ ଲୋକମାନେ ଘଣ୍ଟାଏ କାଳ ଲାଇନ ବନ୍ଦ ରହି ଆର୍ଥ ଆୱାର ପାଳନ କରିଥିଲେ। ଏହା ପରେ ୨୦୦୮ ମସିହା ପରଠୁ ଏହାକୁ ବିଶ୍ୱସ୍ତରୀୟ ପାଳନ କରାଯାଉଛି । ୨୦୧୦ରେ ଆମେରିକାରେ ୧୬ ପ୍ରତିଶତ ଲୋକ ଏହାକୁ ଜନସମର୍ଥନ ଜଣାଇଥିଲେ । ୨୦୧୬ରେ ମୁମ୍ବାଇରେ ଆର୍ଥ ଆୱାର ପାଳନରେ ୮୦ ମେଗାୱାଟ ବିଦ୍ୟୁତ ବର୍ତ୍ତି ପାରିଥିଲା। ୨୦୧୦ ମସିହା ପରଠୁ ରାଜ୍ୟରେ ଆର୍ଥ ଆୱାର ଦିବସ ପାଳନ କରାଯାଉଛି । ରାତି ସାଢେ୮ଟାରୁ ସାଢେ ୯ ପର୍ଯ୍ୟନ୍ତ ଅନାବଶ୍ୟକ ବିଦ୍ୟୁତ ପ୍ରବାହ ବନ୍ଦ ରଖିବା ଉପରେ ଗୁରୁତ୍ୱ ଦିଆଯାଉଛି। ଭବିଷ୍ୟତ ପୀଢି ଓ ବିଶ୍ୱକୁ ସୁରକ୍ଷା ଦେବା ପାଇଁ ସମସ୍ତଙ୍କୁ ଶକ୍ତି ସଂରକ୍ଷଣ କରିବାକୁ ନବୀନ ପଟ୍ଟନାୟକ ଅପିଲ କରିଛନ୍ତି ।