- ୭ ରେ ବଙ୍ଗୋପସାଗର ରେ ଲଘୁଚାପ କ୍ଷେତ୍ର ସୃଷ୍ଟି ହେବ, ପରବର୍ତ୍ତୀ ୪୮ ଘଣ୍ଟା ରେ ଚିହ୍ନିତ ଲଘୁଚାପ ରୂପ ନେଇପାରେ
- ୬ ରୁ ୧୧ ଯାଏଁ ବର୍ଷା ପରିମାଣ ବୃଦ୍ଧି ଓ ବିସ୍ତୃତି
- ଦକ୍ଷିଣ ଓ ଉପକୂଳ ରେ ୮-୧୦ ଯାଏଁ ପ୍ରବଳ ରୁ ଅତି ପ୍ରବଳ ବର୍ଷିବ
ଭୁବନେଶ୍ବର: କିଛି ଦିନ ର ବ୍ୟବଧାନ ପରେ ମୌସୁମୀ ଟ୍ରଫ ଏବେ ଦକ୍ଷିଣ କୁ ଗତି କରୁଛି। ଫଳରେ ଉଭେଇ ଯାଇଥିବା ମୌସୁମୀ ବାୟୁ ପୁନଃ ସକ୍ରିୟ ହୋଇଛି। ପ୍ରଭାବ ରେ ରାଜ୍ୟ ର ବିଭିନ୍ନ ଅଞ୍ଚଳ ରେ ବର୍ଷା ସମ୍ଭାବନା ରହିଛି । ସେହିପରି ଆସନ୍ତା ୭ ତାରିଖ ବେଳକୁ ଉତ୍ତର ପଶ୍ଚିମ ବଙ୍ଗୋପସାଗର ରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ, ପରବର୍ତ୍ତୀ ୪୮ ଘଣ୍ଟା ରେ ଲଘୁଚାପ ଟି ଅଧିକ ଘନୀଭୂତ ହୋଇପାରେ । ଲଘୁଚାପ ପ୍ରଭାବରେ ୦୬-୧୦ ତାରିଖ ଯାଏଁ ଓଡ଼ିଶା ର ଅଧିକାଂଶ ଅଞ୍ଚଳ ରେ ବର୍ଷା ସମ୍ଭାବନା ରହିଛି। ଲଘୁଚାପ ର ପ୍ରଭାବ ଉପକୂଳ ଓ ଦକ୍ଷିଣ ଓଡ଼ିଶା ଉପରେ ଅଧିକ ରହିବ।
୫ ରୁ ୬ ଅଗଷ୍ଟ ମଧ୍ୟରେ ମାଲକାନଗିରି, କୋରାପୁଟ, ନବରଙ୍ଗପୁର, ରାୟଗଡ଼ା, କୋରାପୁଟ, ଗଜପତି ଓ ଗଞ୍ଜାମ ଜିଲ୍ଲା ର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି। ୬ ରୁ ୧୧ ତାରିଖ ମଧ୍ୟରେ ଲଘୁଚାପ ପ୍ରଭାବ ରେ ଦକ୍ଷିଣ , ଦକ୍ଷିଣ- ଆଭ୍ୟନ୍ତର, ଉପକୂଳ ଓଡ଼ିଶା ରେ ବର୍ଷା ପରିମାଣ ଅଧିକ ରହିବ। ବିଭିନ୍ନ ସ୍ଥାନରେ ପ୍ରବଳ ବର୍ଷା(୭-୧୧ସେମି) ସମ୍ଭାବନା ଥିବାବେଳେ ସ୍ଥାନେ ସ୍ଥାନେ ପ୍ରବଳ ରୁ ଅତି ପ୍ରବଳ(୭-୨୦ସେମି) ବର୍ଷା ସମ୍ଭାବନା ରହିଛି।
ଓଡ଼ିଶା ସମେତ ଏହି ସମୟ ରେ ଛତିଶଗଡ଼ ତଥା ମହାନଦୀ ଉପରମୁଣ୍ଡ ରେ ମଧ୍ୟ ପ୍ରବଳ ବର୍ଷା ଓ କିଛି ସ୍ଥାନ ରେ ପ୍ରବଳ ରୁ ଅତି ପ୍ରବଳ ବର୍ଷା ସମ୍ଭାବନା ରହିଛି। ୭ ରୁ ଓଡ଼ିଶା ଉପକୂଳ ତଥା ଉତ୍ତର ପଶ୍ଚିମ ତତ୍ ସଂଲଗ୍ନ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ଅଶାନ୍ତ ରହିବ ତେଣୁ ଏହି ସମୟ ରେ ସମୁଦ୍ର କୁ ଯିବା ବାରଣ। ଏହି ସମୟ ରେ ସମୁଦ୍ର ଉପକୂଳ ରେ ପବନ ର ବେଗ ଘଣ୍ଟା ପ୍ରତି ୪୫-୫୫କିମି ରହିପାରେ।।
ପୂର୍ବାନୁମାନ- ସାର୍ଥକ ମିଶ୍ର