ଉତ୍ତରପ୍ରଦେଶ: ମୁଲାୟମ ସିଂହ ଯାଦବ ଆଉ ନାହାନ୍ତି। ୮୨ ,ବର୍ଷ ବୟସରେ ପରଲୋକ। ଉତ୍ତରପ୍ରଦେଶରେ ପୂର୍ବତନ ମୁଖ୍ୟମନ୍ତ୍ରୀ ଓ ସମାଜବାଦୀ ପାର୍ଟିର ପ୍ରତିଷ୍ଠାତା ଥିଲେ। ଅସୁସ୍ଥ ହେବା ପରେ ଗୁରୁଗାଁଓ ସ୍ଥିତ ମେଦାନ୍ତ ହସ୍ପିଟାଲରେ ଭର୍ତ୍ତି ହୋଇଥିଲେ। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।
ଉତ୍ତରପ୍ରଦେଶରେ ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଓ ବୋହୂ ଡିମ୍ପଲ ହସ୍ପିଟାଲରେ ମୃତ୍ୟୁ ଶଯ୍ୟା ନିକଟରେ ଥିଲେ। ମୂତ୍ରାଶୟରେ ସଂକ୍ରମଣ କାରଣରୁ ଅସୁସ୍ଥ ହୋଇଥିଲେ ମୁଲାୟମ। ପରେ ତାଙ୍କ ସ୍ୱାସ୍ଥ୍ୟ ଗମ୍ଭୀର ହୋଇଥିଲା ଓ ଡାକ୍ତର ଦଳ ତାଙ୍କୁ ଆଇସିୟୁକୁ ନେଇଥିଲେ। ରବିବାର ଅର୍ଥାତ ଅକ୍ଟୋବର ୯ ତାରିଖରେ ତାଙ୍କ ଅବସ୍ଥା ସଙ୍ଗିନ ଥିବା ନେଇ ହସ୍ପିଟାଲ ପକ୍ଷରୁ ବୁଲେଟିନ ଜାରି ହୋଇଥିଲା।